Սիրելինե՛ր, հիշեցե՛ք այն խոսքերը, որ մեր Տիրոջ՝Հիսուս Քրիստոսի բոլոր առաքյալները նախապես հայտնեցին ձեզ՝ ասելով. «Վերջին ժամանակներում կգան ամեն ինչ արհամարհող մարդիկ, որոնք կառաջնորդվեն իրենց ամբարիշտ ցանկություններով»: Ահա հենց սրանք են, որ բաժանումներ առաջ կբերեն ձեր մեջ, մարդիկ, որոնք առաջնորդվում են մարմնական ցանկություններով և իրենց մեջ չունեն Սուրբ Հոգին:
Սակայն, դուք, սիրելի՛ներ, ձեր սուրբ հավատով օգնեցե՛ք միմյանց հոգևոր աճին:Աղոթեցե՛ք Սուրբ Հոգու օգնությամբ և ձեզ պահեցե՛ք Աստծու սիրո մեջ՝ սպասելով, որ մեր Տերը՝ Հիսուս Քրիստոսը, իր ողորմութեամբ հավիտենական կյանքը տա ձեզ:
Ամրապնդեցե՛ք հավատի մեջ կասկածներ ունեցողներին: Փրկեցե՛ք ուրիշներին՝ խլելով նրանց դատապարտության կրակից: Ողորմությո՛ւն ցուցաբերեք նաև նրանց, որոնք մեղքերի մեջ են: Բայց, զգո՜ւյշ, ատեցե՛ք նրանց մեղսալից կյանքը:
(Հուդա առաքյալի նամակը 17-23)
