Tert.am-ը գրում է.
Այս մոդելներն ամբողջությամբ փոխում են գեղեցկության մասին ժամանակակից պատկերացումները, գրում է adme.ru-ն։
Նրանք ունեն հիասքանչ տեսք, գրավում են իրենց յուրատեսակ արտաքինով ու անկրկնելիությամբ։
Նրանք նման չեն բոլորին։
Հրաշալի է, երբ մարդիկ գեղեցիկ են և միաժամանակ՝ շարունակում են մնալ այդպիսին, գրում է կայքը՝ ներկայացնելով 10 մոդելի։
Շանտել Բրաուն-Յանգ
Կանադացի մոդել, ով երեք տարեկանից մաշկի պիգմենտացիայի խախտում ունի։ Նա իր «թերությունը» կարողացել է վերածել «արժանիքի», արդյունքում՝ դարձել է մոդել։
Վիկտորիա Մոդեստա
Լատվիացի երգչուհի և մոդել Վիկտորիան ունեցել է ծննդաբերության ժամանակ վնասված ոտքի 15 անհաջող վիրահատություն, արդյունքում՝ նրա աջ ոտքի մի մասը հեռացվել է։ Այնուամենայնիվ՝ չի պակասել նրա ինքնավստահությունը, ավելին՝ նա շատերին այժմ հուսադրում և ուժ է տալիս։
Էրիկա Իրվին
Կալիֆոռնիայում բնակվող երկու մետր և հինգ սմ հասակ ունեցող 35-ամյա մոդել Էրիկան աշխարհի ամենաբարձրահասակ մոդելներից է։
Մաշա Տելնա
Նա ուկրաինացի մոդել է, ով ունի զարմանալի մեծ աչքեր։ Նրան հաճախ անվանում են «այլմոլորակային» և «գեղեցիկ էլֆ»։
Կառմեն Դել Օրեֆայս
Նա արդեն 84 տարեկան է, սակայն պահպանել է գեղեցկությունը։ Նրան հրավիրում են նկարահանվելու բազմապիսի ամսագրերի և գովազդային արշավների համար։
Ջեյմի Բրյուեր
Նա Դաունի համախտանիշով աշխարհում առաջին մոդելն է, իսկ վերջերս նաև փորձել է իր դերասանական տաղանդն «Ամերիկյան սարսափ պատմություն» հեռուստասերիալում։
Դենիզ Բիդո
Քսանութամյա պուերտոռիկացի մոդելը համարվում է ամենապահանջված XXL մոդելը։ Բիդոն հպարտանում է նրանով, որ օրինակ է դարձել այն կանանց համար, ովքեր 55 կգ-ից ավել են կշռում։
Կեյսի Լեգլեր
Այս ֆրանսուհի մոդելը դարձել է առաջին կին մոդելը, ում հետ պայմանագիր են կնքել որպես տղամարդու, այլ խոսքով՝ նա գովազդում է տղամարդկանց հագուստ։ Նրա հասակը 188 սմ է, իսկ կարճ մազերը և արտահայտիչ դիմագծերը նրան իսկապես տղամարդու նման են դարձնում։
Մոֆֆի
Նրան անվանում են նոր Քեյթ Մոս։ Նա լայն ճանաչում է ձեռք բերել իր շլության շնորհիվ, ինչն էլ դարձել է իր գլխավոր արժանիքը։
Դիանդրա Ֆորեստ
Դիանդրան կանաչ աչքերով աֆրոամերիկուհի է, ով ալբինոսություն ունի։ Ալբինիզմը մուգ մաշկով մարդկանց մոտ չափազանց հազվադեպ երևույթ է։