Tert.am-ը գրում է.
Հարցին, թե ինչքանով էին ԱԺ-ում դատախազ Գևորգ Կոստանյանի պատասխանները համոզիչ, որ Սուրիկ Խաչատրյան չէ, ով ուզում է լինի՝ հավասար է օրենքի առաջ, «Ժառանգություն» խմբակցության ղեկավար Ռուբեն Հակոբյանը պատասխանեց, թե հասարակության մոտ կա վստահություն, որ ՀՀ-ում արդարադատությունը չունի անկախ գործելու հնարավորություն:
Ինչ վերաբերում է կոնկրետ Սուրիկ Խաչատրյանին առնչվող գործին, ապա, ըստ նրա, ելնելով այդ անձի կերպարից, բնութագրից, ու ձեռագրից՝ տպավորություն կա, որ գործը իրավաչափ չի քննվում:
«Դատախազը զեկույցում միշտ նշում է, որ օրենքի առաջ բոլորը պետք է հավասար լինեն, նույնիսկ նշեց, թե բոլորն են հավասար, բայց, ցավոք, մեզ մոտ չի գործում այդ սկզբունքը: Այ երբ գործի այդ սկզբունքը, մյուս մեկնաբանությունները շրջանառությունից դուրս կգան»,- ԱԺ ճեպազրույցների ժամանակ ասաց նա:
Վերջին կրակոցների հարցով նա նկատեց, թե դատապարտում է ցանկացած նման դեպք.«Դատախազությունը պարտավոր է ուսումնասիրել դրա պատճառահետևանքային կապը»,-ասաց նա: