Tert.am–ը գրում է.
Ռիգայում հանրության համար բաց կլինի «Խաչված Պուտին» պայմանական անվանումով արվեստի ինստալյացիան:
«Ազատության» ռուսալեզու ծառայության փոխանցմամբ` ինստալյացիան իրենից ներկայացնում է խաչ հանված տիկնիկ, որը նման է Ռուսաստանի նախագահին: Գործը ներկայացված է Ռիգայի «Անկյունի տան» բակում, որը նախկինում եղել է Լատվիայի Պետանվտանգության կոմիտեի` ԿաԳեԲե-ի շենքը: Ցուցադրությունը կազմակերպել է Թոմս Յանսոնսը:
Նախկինում աշխատանքը զետեղվել էր կոյուղու լյուկերից մեկի վրա, ինչը տեղի ընկերություններից մեկի դժգոհություն էր առաջացրել:
Գործի առնչությամբ իրենց մտահոգությունն են հայտնել նաև Լատվիայի մշակույթի նախարարությունից` անվտանգության և հասարակական կարգի պահպանման առոմով:
Մայիսի 15-ին Ռիգայում ժամանակակից արվեստի ցուցադրությանն էլ հենց «խաչել էին» «Պուտինին», սակայն Ռիգայի քաղաքապետարանի և Լատվիայում Ռուսաստանի Դաշնության դեսպանատան միջամտությունից հետո ինստալյացիան ապամոնտաժվել էր:
