Tert.am–ը գրում է.
«Ալ - Քաիդա» ահաբեկչական կազմակերպության ղեկավար Ուսամա Բեն Լադենը մինչև իր կյանքի վերջին օրը ահաբեկչական գործողություններ է ծրագրել, որոնք պետք է կյանքի կոչվեին ԱՄՆ-ում: Նա ցանկացել է կոնկրետ լայնամասշտաբ գործողություններ իրականացնել:
«ՌԻԱ Նովոստի»-ի փոխանցմամբ` այս մասին հայտնի է դարձել ԱՄՆ-ի Կենտրոնական հետախուզական վարչության հրապարակած նոր փաստաթղթերից: Խոսքն այն փաստաթղթերի մասին է, որոնք տարիներ առաջ առգրավվել էին Բեն Լադենի սպանությունից հետո:
Ըստ այդմ` Բեն Լադենն ընդգծել է, որ պետք է կենտրոնանալ ամերիկացիների և նրանց դեմ պայքարի վրա, որպեսզի այդ երկիրը փոխի իր արտաքին քաղաքականությունը և դադարեցնի մուսուլմանների հետապնդումները:
Բեն Լադենի արխիվից 100 նման փաստաթուղթ է գաղտնազերծվել, այդ թվում` նրա նամակները կնոջը:
Նյութի աղբյուր՝ http://www.tert.am/am/news/2015/05/21/ben-laaden-archive/1681765
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել