Fact.am-ը գրում է.
Դուք երբևէ ձեզ հարց տվել եք, թե ինչու՞ երկար ջրի մեջ մնալուց, ձեռքի և ոտքի մատներն այդպիսի տարօրինակ տեսք են ստանում: Մատների մաշկը կնճռոտվում, ուռչում է:
Սկզբում գիտնականները ենթադրում էին, որ դա պայմանավորված է մաշկի վերին շերտի ջրի կլանմամբ: Նրանք գտնում էին, որ խոնավության կլանմամբ, մաշկի վերին շերտի մակերեսը էականորեն մեծանում է, իսկ խորը շերտերի մաշկը՝ ոչ, և դրա համար էլ մաշկը կնճռոտվում էր:
Սակայն 1935 թ-ին բժիշկները նկատել էին, որ այն մատները, որոնք նյարդային վնասվածքներ ունեին, չէին կնճռոտվում: Եվ բժշիկներն եկան այն եզրահանգման, որ մատների մաշկի կնճռոտումը նյարդային համակարգի արձագանքն է ջրում երկար ժամանակ գտնվելուն: Նրանք եզրակացրեցին, որ դա նյարդային համակարգի ոչ պայմանական ռեակցիան է մարդու գտնվելու միջավայրի փոփոխության նկատմամբ:
Կենսաբանները ենթադրում են, որ մեր օրգանիզմը հոգ է տարել մեր մասին՝ ստեղծելով խոնավության պայմաններում առարկաները վերցնելու ունակություն:
2013 թ-ին գիտնականներն իրականացրեցին իրենց տեսության փորձարկում: Նրանք փորձ են իրականացրել կնճռոտված և ոչ կնճռոտված մատներ ունեցող մարդկանց հետ, ովքեր պետք է բարձրացնեին տարբեր խոնավ և չոր առարկաններ: Նրանք հայտնաբերել են, որ կնճռոտված մատներով մարդիկ խոնավ առարկաները 12%-ով ավելի արագ են բարձրացրել, քան մյուսները: Մատների մաշկի կնճիռները գործում են այնպես, ինչպես անվադողերի պահպանաշերտը:
