Tert.am-ը գրում է.
Բնական է, որ անձամբ ոլորտի պատասխանատուն` գերատեսչության ղեկավարը, Ազգային ժողովում պատասխանի պատգամավորների հարցերին: Tert.am-ի հետ զրույցում ասաց «Բարգավաճ Հայաստան» խմբակցության ղեկավար Նաիրա Զոհրաբյանը:
«Լինենք անկեղծ, շատ դեպքերում փոխնախարարները ոլորտի նեղ խնդիրներին շատ ավելի իրազեկ են, քան իրենց վերադաս նախարարները: Լավագույն տարբերակը կլիներ, որ լիներ «երկուսը մեկում» համատեղությունը` պրոֆեսիոնալ նախարար, որը նաև տիրապետում է իր ոլորտի լրջագույն մասնագիտական խնդիրներին: Բայց եթե չի տիրապետում, կոնկրետ ինձ համար շատ ավելի կարևոր է ստանալ ինձ հուզող հարցի պատասխանը»,- ասաց Նաիրա Զոհրաբյանը:
Հիշեցնենք, որ ԱԺ «Հանրապետական» խմբակցության ղեկավար Վահրամ Բաղդասարյանը
անդրադառնալով պատգամավորների դժգոհություններին, որ նիստերին չեն գալիս նախարարները, նշել էր, որ որպես մեծամասնության ներկայացուցիչ, հետևողական է լինելու այս հարցում:
«Այդ հարցը, այո՛, պատգամավորները բարձրացրել են, որ շատ դեպքերում փոխնախարարները չեն կարողանում լիարժեք պատասխան տալ, որովհետև քաղաքական պատասխաններ պետք է տան նախարարները»,- ասել էր նա: