Tert.am–ը գրում է.
Ուկրաինայի նախագահի վարչակազմի փոխղեկավար Վելրի Չալին հանդիպում է ունեցել Ճապոնիայի փոխարտգործնախարար Յասումասոյ Նագամինեի հետ, որի ընթացքում կողմերը քննարկել են Ուկրաինային ֆինօգնություն հատկացնելու հարցը: Корреспондент-ի փոխանցմամբ` այս մասին ասվում է Ուկրաինայի նախագահի կայքում։
«Չալին շնորհակալություն է հայտնել ճապոնական կողմին՝ Ուկրաինայի լայնածավալ ֆինանսական օգնություն հատկացնելու համար, մասնավորապես`զարգացմանն ուղղված որոշ ծրագրերի իրականացման համար 1.5 մլրդ դոլարի վարկային օգնություն տրամադրելու: Ուկրաինայի նախագահի վարչակազմի փոխղեկավարը ընդգծել է նաև Ճապոնիայի կառավարության որոշման մասին, որով նախատեսվում է Ուկրաինային հավելյալ 316,6 մլն դոլար հատկացնելու մասին` ուղղված ազգային տնտեսության կայունացմանն ու բարեփոխումների աջակցությանը», - ասվում է հաղորդագրության մեջ:
Կողմերը քննարկել են Մինսկի պայմանավորվածությունների իրականացման գործընթացը և ՄԱԿ-ի հովանու ներքո Ուկրաինայում միջազգային խաղաղապահ առաքելության տեղակայման հեռանկարները: