Tert.am-ը գրում է.
Կարմիր խաչի և կարմիր կիսալուսնի միջազգային շարժումը դիմել է միջազգային հանրությանը` կոչ անելով 93 մլն դոլար հավաքել, որոնք անհրաժեշտ են Նեպալին վերջին մի շարք հզոր երկրաշարժերի հետևանքները հաղթահարելու համար:
Ինչպես հաղորդում է INTERFAX.RU-ն` այս մասին Կատմանդուում լրագրողներին հայտնել է կազմակերպության գլխավոր քարտուղարը: Ավելի վաղ խոսվում էր զգալիորեն ավելի փոքր գումարի` 35 մլն դոլարի մասին:
Կազմակերպության գլխավոր քարտուղարը նշել է, որ աշխատանքները դեռևս տարվում են արտակարգ ռեժիմով: Միջոցներն անհրաժեշտ են ջրի, սննդամթերքի մատակարարման, ժամանակավոր կացարանների ստեղծման և բուժօգնության համար:
Նեպալում հզոր երկրաշարժեր են տեղի ունենում ապրիլի 25-ից սկսած, որոնց հետևանքով ավելի քան 8000 մարդ է զոհվել, հազարավորները մնացել են առանց տանիքի: