Tert.am-ը գրում է.
Տաջիկստանում կայացել է Հավաքական անվտանգության պայմանագրի կազմակերպության (ՀԱՊԿ) երկրների զինծառայաողների` գեներալ-մայոր Միրալի Ռահմատովի հրամանատարությանն անցնելու հանդիսավոր արարողությունը: Ինչպես հաղորդում է РИА Новости-ն` ՌԴ ՊՆ-ի մամլո ծառայությանը հղումով, արարողությունն անցկացվել է ՀԱՊԿ-ի օպերատիվ արձագանքման հավաքական ուժերի զորքերի անակնկալ ստուգումների շրջանակներում:
Հաղորդվում է, որ հանդիսավոր արարողությունն անցկացվել է Տաջիկստանի «Խարբմայդոն» պոլիգոնում:
«ՀԱՊԿ արագ արձագանքման հավաքական ուժերի ռուսական ստորաբաժանումը ևս ընդգրկված է զորքերի պատրաստականության անակնկալ ստուգումներում», - ասվում է հաղորդման մեջ:
ՀԱՊԿ արագ արձագանքման հավաքական ուժերի պատրաստականության ստուգումների առաջին փուլն անցկացվել է շաբաթ: Միրալի Ռահմատովի հրամանատարությամբ զորքերն անցել են ուսումնամարտական հանձնարարությունների մշակմանն ու իրագործմանը:
ՀԱՊԿ-ը միավորում է Ռուսաստանը, Բելառուսը, Հայաստանը, Ղազախստանը, Ղրղզստանը և Տաջիկստանը: