Tert.am-ը գրում է.
Ամերիկյան The Huffington Post-ը հայտնում է, որ հայազգի հեռուստաաստղ Քիմ Քարդաշյանի հոր` անվանի իրավաբան Ռոբերտ Քարդաշյանի մասին ֆիլմ է նկարահանվում:
Խոսքը «Ամերիկյան հանցագործություն» սերիալի նոր սերիայի մասին է` «Ժողովուրդն՝ ընդդեմ Օ. Ջեյ Սիմփսոնի»: Ժամանակին հենց մարզիկ Սիմփսոնի պաշտպանությամբ էր Ռոբերտ Քարդաշյանը հռչակ ձեռք բերել:
Աղբյուրը հրապարակել է առաջին լուսանկարները նկարահանման հրապարակից, որոնցում երևում է, թե ովքեր են մարմնավորում ամերիկահայ իրավաբանին և նրա կնոջը` ապագա հեռուստաաստղ Քրիս Ջեներին: Այդ դերերը ստանձնել են համապատասխանաբար Դեյվից Շվիմերը և Սելմա Բլերը:
Ինքը` 59 - ամյա Քրիս Ջեները գոհ է դերասանների ընտրությունից: Ավելին` օրերս նա սելֆի էր արել Սելմա Բլերի հետ, երբ նրան տեսել էր բարձրախարհիկ երեկույթներից մեկի կարմիր գորգին: Սելման իր հերթին Քրիսին պատմել է նրա նախկին ամուսնու մասին իր իմացածը:
