Tert.am-ը գրում է.
Ռումինիայում ողբերգություն է տեղի ունեցել, որի պատճառ է դարձել ինքնալուսանկարվելու հանդեպ սերը։ «Սելֆիի» սիրահար 18-ամյա աղջիկն այրվել է գեղեցիկ նկար ստանալու փորձի հետևանքով, գրում է segodnya.ua-ն։
Աղջիկն ընկերուհու հետ գնացել է երկաթուղային կայարան՝ գնացքի վրա բարձրանալու և անմիջապես այնտեղ լուսանկարվելու համար։ Գնացքի վրա աղջիկներից մեկը ոտքով պատահական դիպել է էլեկտրալարին։ Այն անմիջապես բռնկվել է՝ հոսանքահարելով նրանց։ Նրա 17-ամյա ընկերուհին ընկել է գնացքի վրայից։
Անցորդ տղամարդը շտապել է բարձրանալ գնացքի վրա՝ տուժածի այրվող հագուստը հանգցնելու համար, սակայն դա աղջկան չի փրկել. նա մահացել է հիվանդանոցում մարմնի ավելի քան 50% այրվածքներով։ Մյուս աղջիկը նույնպես հայտնվել է հիվանդանոցում, նրա կյանքին վտանգ չի սպառնում։
Նյութի աղբյուր՝ http://www.tert.am/am/news/2015/05/15/selfie/1676509
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել