Լիամ Ֆիննին տառապում էր ավելորդ քաշի խնդրով։ Նա կարողացավ ընդամենը 4 ամսում 25 կգ նիհարել։ Նրա քաշը նախկինում 100 կգ էր կազմում։ 16 տարեկանից սկսած նա սնվում էր անառողջ սննդով։
 |
 |
Նա արդեն 19 տարեկան էր, երբ նրա լավագույն ընկեր Ռայան Քարթռայթը, ով նաև ֆիթնեսի վարպետ էր, սքանչելի կազմվածք ձեռք բերեց համառ մարզումների շնորհիվ։ Լիամը որոշեց հետևել ընկերոջ օրինակին ու տքնաջան մարզումների շնորհիվ գեղեցիկ առնական մարմին կերտել։ Ներկայումս Լիամը մասնակցում է Մեծ Բրիտանիայում ընթացող բոդիբիլդինգի մրցումներին։
Լիամն սկսեց իր կերպարանափոխությունը խիստ դիետաներից։ Նա օրական ընդամենը 100 կալորիա էր ընդունում։ Հետագայում նա դիետային զուգահեռ սկսեց նաև ինտենսիվ մարզումների մասնակցել։ Ներկայումս նա 62 կգ է կշռում։
Ես սկսեցի նիհարել 17 տարեկանից. ես պարզապես մարզասրահ էի գնում շաբաթը 2-3 անգամ, սակայն բավականաչափ նպատակասլաց չէի այն ժամանակ, իսկ հիմա ես 6-7 անգամ եմ հաճախում մարզումների ու դրա շնորհիվ էլ ավելի առողջ եմ դարձել։
4 ամսից նա ևս մեկ մրցման պիտի մասնակցի, ուստի հիմա էլ խստիվ հետևում է իր սննդակարգին։ Վերջին մրցմանը նախորդող 20 շաբաթների ընթացքում Լիամն ընդամենը երկու անգամ է անառողջ սնունդ ընդունել՝ մեկը Սուրբ ծննդին, իսկ մյուսը՝ իր տարեդարձին։
 |
 |
Լիամի ընկեր Ռայանը շատ է օգնում նրան լավ կազմվածքը պահպանելու հարցում։ Հենց նա է համապատասխան սննդակարգ մշակել Լիամի համար։ Նա օգնել է կազմել նաև մարզումների ճիշտ ռեժիմը։ Արդյունքում երբեմնի ցմփոր Լիամը վերածվել է մկանուտ մաչոյի։
