Ելակով ռուլետ առանց թխելու

Բաղադրությունը

18 հատ «Հոբելյանական» թխվածքաբլիթ (կամ 15 հատ կաթնային թխվածքաբլիթ)
200 գրամ կարագ 
300 գրամ կաթնաշոռ 
200 գրամ ելակ 
100 մլ կաթ
160 գրամ շաքարի փոշի 
20 գրամ կակաո
1 թեյի գդալ վանիլային էսենցիա

Պատրաստման եղանակը

Կարագը և շաքարի փոշու 1/2 մասը խառնել կակաոյի հետ, այնքան խառնել, որ ստացվի միատարր զանգված: 
Կաթնաշոռը խառնել մնացած շաքարի փոշուն, ավելացնել վանիլային էսենցիան և հարել: 
Թխվածքաբլիթները լցնել կաթի մեջ: Փայլաթիթեղի (фольги) վրա լցնել շոկոլադե զանգվածը ուղղանկյունաձև:
Վերևը դնել թխվածքաբլիթները 3 շերտով: Թխվածքաբլիթնի վրա լցնել կաթնաշոռով խառնուրդը և մեջտեղում դնել ելակը: Զգուշորեն փաթաթել ռուլետի նման՝ բարձրացնելով կողքերը վերև: Թեթև սեղմել և տեղափոխել սառնարան մոտ 2 ժամ: