Tert.am-ը գրում է.
Ամերիկյան իրապատում շոուի աստղ Քիմ Քարդաշյանը Today Show հաղորդաշարին տված հարցազրույցում պատմել է, որ ինքն ու ամուսինը` ռեփեր Քանյե Ուեսթը, արդեն տևական ժամանակ է՝ չեն կարողանում 2-րդ երեխան ունենալ:
Ինչպես նշում է dailymail.co.uk-ը, միևնույն ժամանակ 34-ամյա Քարդաշյանն ընդգծել է, որ ինքը դեռևս վերջնականապես չի հուսահատվել ու որոշել է երեխա որդեգրելու կամ փոխնակ մոր ծառայություններից օգտվելու փոխարեն փորձել սեփական ուժերով 2-րդ երեխային լույս աշխարհ բերել:
«Իմ առաջին ծննդաբերությունը շատ բարդ է եղել, և այժմ ես լուրջ խնդիրներ ունեմ 2-րդ անգամ հղիանալու հարցում: Սակայն ես չեմ հուսահատվում, հանդիպում եմ լավագույն բժիշկներին ու ամեն ինչ անում, որպեսզի դա նորից տեղի ունենա»,- անկեղծացել է աստղը:
Աղբյուրը հիշեցնում է, որ զույգի դուստրը` Նորթը, լույս աշխարհ է եկել 2013թ.-ի ամռանը:
