Էմբեր Ռոուզն ակումբային շրջագայություն է կատարում Մեծ Բրիտանիայում։ Նա չի դադարում զարմացնել իր երկրպագուներին ու պատահական անցորդներին իր էպատաժային կերպարներով ու համարձակ զգեստներով։ Երեկ նա այցելել էր Էսեքս քաղաքի «Faces» ակումբ։ Էմբերն ակումբ էր ներկայացել քյառթու և բեթմեն ոճերի համադրությամբ։ Նախկին մերկապարուհին ամբողջովին սևազգեստ էր, կրում էր բարձրակրունկ ծիծակ կոշիկներ, որոնք պարելիս հաստատ կկաշկանդեին նրա շարժումները, և ծակոտկեն կիպ կոմբինիզոն, որի տակից երևում էր ոչ պակաս կիպ լողազգեստը։ Կոմբինիզոնն այս դեպքում բացառապես դեկորատիվ դեր էր խաղում։ Նույնը կարել է ասել նաև թափանցիկ ու անթև սմոքինգի մասին։ Դատելով Էմբերի շրջապատի մարդկանց հագուստից և Բրիտանիայի կլիմայի մասին մեր ունեցած ընդհանուր գիտելիքներից՝ Էսեքսում եղանակն այնքան էլ բարենպաստ չէր այսպիսի հագուստ կրելու համար։ Դե սեփ-սև ակնոցն էլ երևի լուսնի կիզիչ ճառագայթներից էր պաշտպանում Էմբերի տեսողությունը։ Ակումբը 31-ամյա Էմբերը հանդիպեց իր նմանակին ու լուսանկարվեց նրա հետ։ Իսկ թե ուրիշ ինչեր արեց նա ակումբում՝ թողնում ենք Ձեր երևակայությանը (ուղղակի չգիտենք էլի, թե չէ Ձեր ստեղծագործ միտքը խթանելու նպատակ առանձնապես չունենք)։