Tert.am–ը գրում է.
Ամերիկացի դերասանուհի, ռեժիսոր, նաև ՄԱԿ-ի բարի կամքի դեսպան Անջելինա Ջոլին հանդես է եկել կառույցի Անվտանգության խորհրդի նիստում:
Associated Press-ի փոխանցմամբ` դերասանուհին դիմել է գերտերություններին` խնդրելով օգնել միլոնավոր սիրիացի փախստականներին:
Դերասանուհին նաև խստորեն քննադատել է ՄԱԿ-ի Անվտանգության խորհրդին` Սիրիայի քառամյա հակամարտության ընթացքում իր «կաթվածահար» վիճակի համար: Նա կոչ է արել միասնաբար հանդես գալ Սիրիայի խնդրով լուծում գտնելու համար:
Ջոլին` որպես Սիրիայի հարցով ՄԱԿ-ի հատուկ ներկայացուցիչ, ներկայացրել է վիճակը, ասել, որ այս ընթացքում 4 մլն մարդ փախստական է դարձել: 2011-ից ի վեր Ջոլին 11 անգամ այցելել է սիրիացի փախստականներին:
Ջոլին հակիրճ խոսել է նաև Միջերկրական ծովում ներգաղթյալների խնդրի մասին, որը վերջերս լուրջ հարց է դարձել եվրոպական երկրների համար:
