Ինչպե՞ս աշխարհասփյուռ հայությունը երկրագնդի տարբեր կետերում հարգեց Ցեղասպանության 100–րդ տարելիցը (լուսանկարներ)

Ապրիլի 24–ին համայն հայությունը համախմբվելով մեկ բռունցք է դառնում, և չնայած հեռավորությանը, աշխարհի որ կետում էլ լինեն, միևնույնն է, այս օրը բոլորը հիշում և հարգում են Հայոց ցեղասպանության զոհերի հիշատակը։
Այս բողոքի ակցիաներն ու ոգեկոչման երթերը ևս մեկ անգամ գալիս են ապացուցելու, որ հայը միասնական է, անկոտրում։ Նա միշտ պատրաստ է ի լուր աշխարհի բարձրաձայնել 20–րդ դարի առաջին ոճրագործության մասին` աշխարհի որ կետում էլ որ լինի։ Ձեզ ենք ներկայացնում աշխարհասփյուռ հայության ոգեկոչման քայլերթերի և բողոքի ակցիաների լուսանկարներն աշխարհի տարբեր ծայրերից։

Լոս Անջելես, որտեղ 70 հազար հայ և բազմաթիվ համայնքների ղեկավարներ ու կոնգրեսականներ մասնակցեցին 10կմ ձգվող երթին։

Կոնգրեսական Ադամ Շիֆֆը` մի շարք համայնքների ներկայացուցիչների հետ

Երգչուհի Անի Քրիստին նույնպես մասնակցում էր միջոցառմանը

Բոստոնում սուր ելույթներ ունեցան նահանգապեստը, Բոստոնի քաղաքապետը, ԱՄՆ սենատի այս նահանգի երկու սենատորները և մի քանի այլ սենատորներ ու կոնգրեսմեններ։ Բոլորը բացահայտ օգտագործում էին ցեղասպանություն տերմինն իրենց ելույթներում, և բոլորն անխտիր կոչ էին անում ԱՄՆ նախագահ Բարաք Օբամային, որպեսզի նա ճանաչի Հայոց ցեղասպանությունը։

Թուրքիայի հյուպատոսության առջև

Նյու Յորք, բողոքի ցույց Թուրքիայի հյուպատոսության առջև

Փոքրիկ հայրենասերն Ալաբամայից

Կոնգրեսական Դոլդի ելույթը Չիկագոյում՝ նվիրված Հայոց ցեղասպանության 100–ամյակին

Հայոց ցեղասպանության 100-րդ տարելիցին նվիրված հիշատակի պաշտոնական արարողությունը Փարիզում՝ Ֆրանսիայի վարչապետ Մանյուել Վալսի, Փարիզի քաղաքապետ Անն Իդալգոյի մասնակցությամբ