Tert.am-ը գրում է.
Չիլիի իշխանություններն արտակարգ դրություն են հայտարարել Կալբուկո հրաբխի ժայթքման պատճառով, գրում է gazeta.ru-ն:
Հրաբխի ժայթքումը տեղի է ունենում վերջին 50 տարվա ընթացքում առաջին անգամ: Հրաբխի վերևում մինչև 10 կիլոմետր բարձրության վրա մոխրի ամպ է հայտնվել: Ավիաընկերությունները ստիպված են չեղյալ հայտարարել ավիաչվերթները՝ թռիչքների համար վտանգի պատճառով:
Իշխանությունները տարհանում են հրաբխից մինչև 20 կիլոմետր հեռավորության վրա բնակվող մարդկանց, բանակի և ոստիկանության ուժերը բարձր պատրաստվածության են բերվել: Չիլիի իշխանությունները նշում են, որ կպահանջվի մոտ 3.500 մարդու տարհանում:
Նյութի աղբյուր՝ http://www.tert.am/am/news/2015/04/23/chili/1655028
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել