Սեխը բացառիկ բերքատեսակ է: Սեխի առողջարար բաղադրության մասին խոսում էին դեռ վաղ միջնադարում: Հատկապես Ասիայում ընդունված էր կարծել, որ այն հրաշքներ է գործում: Կանանց դարձնում է ավելի գեղեցիկ, տղամարդկանց՝ ավելի ցանկալի: Այս ամենն իրականությունից հեռու չէ, քանի որ սեխն ունի այնպիսի օգտակար նյութերի բազմություն, որ կնախանձեին շատ վիտամինային կոմպլեքսներ: Սեխը պարունակում է շաքար, ջուր, կրախմալ, սպիտակուց, հանքանյութեր, ածխաջրեր, օրգանական թթուներ, սննդային մանրաթելեր, կալիում, երկաթ, մագնիում, ֆոսֆոր, կալցիում... Այս ցանկը կարելի է գրեթե անդադար շարունակել: Ձեզ եմ ներկայացնում սեխի հիմնական առողջարար բաղադրությունն ու դրա ազդեցությունն առողջության վրա:


Հանքանյութեր
Սեխը պարունակում մեծ քանակությամբ տարբեր տեսակի հանքանյութեր՝ կալիում, կալիցիում, ֆոսֆոր, կրեմնի, և սա դեռ վերջը չէ: Հատկապես կալիումի առկայությունը նպաստում է սրտի աշխատանքի բարելավմանը: Հայտնի է, որ սրտանոթային հիվանդություններն առաջանում են լիպիդային փոխանակման խախտումների արդյունքում, ինչի հետևանքով խոլեստերինը նստվածք է առաջացնում երակներում: Սրա արդյունքում էլ լինում է երակների խցանում ու առաջանում են սրտանոթային հիվանդություններ: Սեխի օգտագործումը նպաստում է խոլեստերինի վերացմանը, սրտի իշեմիկ հիվանդությունների հնարավորությունը հասնում է նվազագույնի: Սեխում առկա հանքանյութերը նպաստում են միոկարդի կրճատումներին, ինչն էլ բարելավում է սրտի աշխատանքը: Կալիումից բացի հաջորդ կարևոր հանքանյութը կրեմնին է, որը նպաստում է մազերի փայլին, ամրացնում է մաշկային հյուսվածքները: Հենց սա է պատճառը, որ արևելքում սեխի օգտագործումը կապում էին գեղեցկության հետ:

Վիտամիններ

Սեխը իսկական վիտամինների շտեմարան է: Այն պարունակում է վիտամին A, վիտամինց C, վիտամին E, B1, B2, B3, B9: Այսպիսի վիտամինային բաղադրությունը նպաստում է իմունային համակարգի բարելավմանը: Շնորհիվ վիտամին C-ի՝ այն բարձրացնում է դիմադորղականությունը: Վիտամին A-ն բարելավում է տեսողությունը բոլոր տարիքային խմբերում: B խմբի վիտամինները նպաստում են սեռական ֆունկցիայի բարելավմանը: Մասնավորապես տղամարդկանց համար:

Բջջանք

Սեխում բջջանքի առկայությունը օգնում է աղեստամոքսային տրակտի աշխատանքին: Այն հատկապես օգտակար է մարսողությանը: Օգնում է օրգանիզմին դուրս հանել հեղուկները: Բջջանքի շնորհիվ նյութափոխանակությունն ու էներգետիկ փոխանակությունը բարելավվում են: Միաժամանակ, սակայն այն ունի նաև հակացուցումներ, բայց այս մասին ներքևում:

Ում չի կարելի սեխ օգտագործել

Սեխը պարունակում է մեծ քանակությամբ շաքար (մոտ 17 տոկոս): Այդ պատճառով այն խորհուրդ չի տրվում դիաբետ ունեցողներին: Չնայած նրան, որ այն նպաստում է մարսողությանը, սակայն միաժամանակ սեխը ծանր մարսվող մթերք է: Այդ պատճառով սեխի օգտագործումը պետք է նվազագույնի հասցնեն նրանք, ովքեր ունեն ստամոքսի կամ տասներկումատյա աղիների խոց, ենթաստամոքսային գեղձի խնդիրներ: Որոշ բժիշկներ սեխի բացառիկ հատկությունների պատճառով նաև խորհուրդ չեն տալիս օգտագործել հղիության ընթացքում և կերակրող մայրերին:

Հետաքրքիր փաստեր

Սեխն այն եզակի մթերատեսակներից է, որը պարունակում է ոսկի: Ասում են նաև, որ այն պարունակում է այնպես կոչված երջանկության հորմոն: Սրա հետ են կապում հանգամանքը, որ սեխ ուտելուց հետո մարդու տրամադրությունը բարձրանում է:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել