Գարեջուրն աշխարհի հնագույն ոգելից խմիչքներից է: Դարեր շարունակ այն շատ կարևոր նշանակություն է ունեցել՝ օգտագործվելով թե՛ իբրև սննդարար, թե՛ արարողակարգային ըմպելիք: Վերջերս Իսրայելի Թել Ավիվ քաղաքում հայտնաբերվել են կավե տակառների մասեր, որոնք ավելի քան 5000 տարվա վաղեմություն ունեն: Այդ տակառների մեջ հին եգիպտացիները գարեջուր էին պատրաստում: Հնագիտական կարևոր նշանակություն ունեցող այս կավե մասերը գտնվել են շինարարական աշխատանքների ժամանակ:
Կուլայի մասնիկները դուրս են բերվել հսկայական ջրավազաններից, որոնց մեջ ժամանակին մրգային գարեջուր է պատրաստվել: Հին եգիտպացիները թողնում էին մրգային գարեջուրն արևի տակ, որպեսզի այն մերվի ու բնական մշակման ենթարկվի: Սրանք առաջին պեղումներն են, որոնց արդյունքում բացահայտվել է, որ մոտ 5000 տարի առաջ եգիպտացիները գարեջուր են արտադրել Թել Ավիվում:
Պեղումների ընթացքում հայտնաբերվել են նաև մի բրոնզե դաշույն ու կայծքարից պատրաստված գործիքներ, որոնք մոտ 6000 տարվա պատմություն ունեն: Հնաոճ իրերի կազմակերպության աշխատակից Դիեգո Բարկանն ասել է, որ շինհրապարակում հայտնաբերվել է 17 վիրապ, որոնք բրոնզե դարում՝ մ.թ.ա. 3,500-3,000 թթ., օգտագործվել են տարբեր արտադրանքներ պահելու համար:
Հարցազրույցի ընթացքում նա նշել է.
Հայտնաբերված անոթները պատրաստվել են ծղոտից ու այլ օրգանական նյութերից, որոնք ապահովում են անոթների ամրությունը: Այժմ մենք արդեն գիտենք, որ հին եգիպտացիները ևս գիտեին իսկական գարեջրի գինը ճիշտ այնպես, ինչպես ժամանակակից թելավիվցիները:
Գարեջուրը եգիպտական ազգային խմիչք էր ու մատուցվում էր հացի հետ: Այն վայելում էր Եգիպտսի ողջ բնակչությունը՝ անկախ տարիքից, սեռից կամ կարգավիճակից: Պատճառն այն է, որ գարեջուրն այն ժամանակ ավելի մաքուր էր, քան ջուրը: Խմելու ջուրն ստացվում էր գետից կամ ջրանցքից ու հաճախ աղտոտված էր լինում:
Գործատուները հաճախ աշխատանքի դիմաց վճարում էին եգիպտացիներին հացով, ձեթով, գարեջրով ու բանջարեղենով: Գարեջրի ստանդարտ չափաբաժինը մեկ աձի համար 2 լիտրն էր: Եգիպտացիները գարեջրի անոթները պահում էին սառը ջրի մեջ, որպեսզ վայելեին այն սառը վիճակում: Եգիպտական գարեջուրը պատրաստվում էր գարու ու եռացած ջրի խառնուրդից: Այնուհետև ստացված զանգվածին ավելացվում էին տարբեր մրգերի խտանյութեր՝ գարեջրին յուրահատուկ ու հոտ տալու համար: Մատուցելուց առաջ այս խառնուրդը լցվում էր հատուկ անոթների մեջ: