Գրեթե բոլոր աղջիկներն ու կանայք կյանքի որոշակի փուլում իրենք իրենց հարց են տալիս՝ ի՞նչ կազմվածք են սիրում տղամարդիկ, ինչի՞ վրա են ուշադրություն դարձնում, ինչպիսի՞ն պիտի կինը լինի, որպեսզի գրավի տղամարդուն:
Այս հարցում բազմաթիվ տարբեր առասպելներ կան: Օրինակ, որ տղամարդիկ սիրում են միայն մոդելային կառուցվածքով կանանց: Սա մոլորություն է: Այո, գործարար տղամարդիկ գլուխ գովալու և կարգավիճակը ցույց տալու համար սիրում են տարբեր միջոցառումներին ներկայանալ հենց այսպիսի աղջիկների հետ, բայց իրական կյանքում տղամարդկանց դուր են գալիս թմբլիկ աղջիկները: Ամեն ինչ շատ հեշտ է բացատրվում. դա բնությունն ու ենթագիտակցությունն է: Համաձայն հարցումների՝ տղամարդկանց մեծամասնության համար մոդելների մարմինները բացարձակ սեքսուալ չեն: Եվ դա այն պատճառով, որ ճարպի բավարար քանակության բացակայությունը ժամանակի ընթացքում հանգեցնում է հորմոնալ խանգարումների և անպտղության, իսկ տղամարդիկ կանանց մեջ առաջին հերթին տեսնում են իրենց երեխաների մորը:
Ի՞նչ կուրծք է դուր գալիս տղամարդկանց
Մոռացեք սիլիկոնի և այլ արհեստական միջոցների մասին: Տղամարդիկ զզվում են արհեստական կրծքից: Ինչպես խոստովանել է տղամարդկանց 89%-ը, արհեստական կուրծք տեսնելիս նրանց մոտ կորում է սեռական ցանկությունը: Ինտիմ մտերմության ընթացքում նրանք անընդհատ անհանգստանում են, որ հանկարծ չվնասեն իմպլանտները, իսկ դա շատ մեծ հոգեբանական լարվածություն է:
Եվ այսպես, տղամարդկանց առաջին հերթին գրավում է բնական կուրծքը: Այն պետք է ձիգ լինի, իսկ դրա համար գոյություն ունեն հատուկ վարժություններ: Իսկ ինչ վերաբերում է տղամարդկանց սիրած կրծքի չափսին, ապա դա երրորդն է:
Տղամարդիկ սիրում են գեր կանա՞նց
Տղամարդկանց դուր են գալիս այն կանայք, ովքեր ունեն փարթամ կուրծք և ազդրեր, հետույքի զարգացած մկաններ, բայց դրա հետ մեկտեղ իրանը պետք է բարակ լինի: Ընդ որում, բացարձակ նշանակություն չունի, թե ինչպիսին է ձեր հասակը և քաշը: Կարևորը՝ իրանը 30 տոկոսով փոքր լինի ազդրերից:
Կան բաներ կանանց արտաքինում, որ ոչ մի կերպ դուր չեն գալիս տղամարդկանց.
- հարթ կուրծք
- տղամարդու հետույքի նման հետույք
- մեծ որովայն
- այտուցված դեմք
- լիքը ձեռքեր
- յուղոտ, չխնամված մազեր
- ձեռքերի կարճ մատներ
- չափազանց վուլգար և վառ դիմահարդարում
