Tert.am-ը գրում է․
Աշխարհաքաղաքական իրավիճակը Հավաքական անվտանգության պայմանագրի կազմակերպության (ՀԱՊԿ) պատասխանատվության գոտու մերձակա տարածքում կշարունակի սրվել: Ինչպես փոխանցում է ТАСС գործակալութունը` նման եզրակացության են եկել կազմակերպության քարտուղարությունում կայացած գաղտնի խորհրդակցության մասնակիցները:
«Միջոցառման մասնակիցները ուսումնասիրել են ՀԱՊԿ պատասխանատվության գոտում տիրող ներկայիս ռազմաքաղաքական իրավիճակը և կանխատեսումներ են արել դրա պոտենցիալ զարգացման վերաբերյալ: Փորձագետների կարծիքով` աշխարհաքաղաքական իրավիճակի հետագա սրման օբյեկտիվ և սուբյեկտիվ պատճառներ կան, այդ թվում` անմիջապես ՀԱՊԿ պատասխանատվության գոտու մերձակայքում», - լրագրողներին հայտնել են ՀԱՊԿ մամլո կենտրոնից:
Կենտրոնում մեկնաբանել են, որ վերլուծության թեմա են դարձել «ՀԱՊԿ անդամ երկրների, Աֆղանստանի տարածքում անկայունության տարածման աճող վտանգը, ԱՄՆ-ի և ՆԱՏՕ-ի գործողությունները` ուղղված Ռուսաստանին ռազմական դիմակայության մեջ ներքաշելուն, ՌԴ-ի կողմից հնարավոր արձագանքն՝ ընդհանուր առմամբ»: