Tert.am–ը գրում է.
ԱՄՆ Կենտրոնական հետախուզության վարչության տնօրեն Ջոն Բրենանը հայտարարել է, որ ԱՄՆ-ն շարունակում է ճնշում գործադրել Իրանի վրա` չնայած շարունակվող բանակցությունների արդյունքին: Այս մասին նա ասել է Fox News հեռուստաընկերությանը տված հարցազրույցում:
«Հույս ունենք, որ միջուկային ծրագիրը կդադարեցվի, սակայն տեսնում ենք նաև, որ Իրանը շարունակում ահաբեկչության հովանավոր լինել», - աղբյուրը մեջբերում է Բրենանի խոսքը:
Նրա խոսքով` ԱՄՆ-ն պետք է համոզված լինի, որ Թեհրանը հնարավորություն չի ունենա շարունակելու «ապակայունացնել մի շարք երկրների տարածաշրջանում»:
Բրենանն ընդգծել է, որ Իրանը պետք է ըմբռնի ԱՄՆ վճռականությունը` թույլ չտալու, որ Իրանի իշխանությունների մոտ միջուկային զենք հայտնվի:
Ավելի վաղ ԱՄՆ նախագահ Բարաք Օբաման հայտարարել էր, որ Իրանը դեռևս անհրաժեշտ գործողություններ չի ձեռնարկել միջուկային հարցի կարգավորման համար: