Tert.am-ը գրում է.
Վրաստանի կառավարությունն ամբողջությամբ կորցրել է իր ժողովրդի վստահությունը և պետք է հեռանա, երկրի նախկին նախագահ Միխեիլ Սաակաշվիլին նման բառերով է դիմել Թբիլիսիում երեկ կայացած բողոքի ակցիայի մասնակիցներին, գրում է newsgeorgia.ru-ն։
«Վրաստանի կառավարությունն այսօր ամբողջությամբ կորցրել է ժողովրդի վստահությունը և վաղուց խորտակվել է ստի մեջ։ Այժմ մենք պետք է հեռացնենք ռուս օլիգարխի և նրա ենթակաների գլխավորած իշխանությունը։ Կանգնեցնել շարժումը հնարավոր է, սակայն նրա շարունակությունը կարող է կործանարար լինել Վրաստանի համար»,- հայտարարել է Սաակաշվիլին Բրյուսելից։
Նրա ելույթը հեռարձակվել է տեսակապի միջոցով՝ Թբիլիսիի ազատության հրապարակում տեղադրված մոնիտորից։
«Մենք շատ շուտով կազատագրենք Վրաստանն այդ մութ անգործ ուժերից և կվերադարձնենք Վրաստանը դեպի լուսավոր ուղի»,- ասել է նախկին նախագահը։
Կազմակերպիչների խոսքով՝ բողոքի ակցիային մասնակցել է մոտ 50.000 մարդ։