Tert.am-ը գրում է.
Լեռնային Ղարաբաղի տրամադրության տակ եղած չճշտված տեղեկություններով՝ ադրբեջանական դիվերսիոն խումբը, որը երեկ Լեռնային Ղարաբաղի տարածք ներթափանցելու փորձ էր արել, ունեցել է 14 մարդու կորուստ: Այս մասին Tert.am-ին հայտնեց Լեռնային Ղարաբաղի արտգործնախարար Կարեն Միրզոյանը:
«Ցավոք, մենք ստիպված ենք արձանագրել, որ չնայած միջազգային հանրության բազմաթիվ կոչերին՝ շփման գծում սադրանքներից զերծ մնալ, Ադրբեջանը շարունակում է նույն քաղաքականությունը: Սա ապակառուցողական մոտեցում է, և այն արդեն անցել է ողջամտության բոլոր սահմանները»,- ասաց Կարեն Միրզոյանը:
Նրա ամփոփմամբ՝ նման գործելակերպն արդեն իսկ մարտահրավեր է միջազգային հանրության բոլոր խաղաղարար ձեռնարկներին:
Նյութի աղբյուր՝ http://www.tert.am/am/news/2015/03/20/karen-mirzoyan/1623127
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել