Ankakh.com-ը գրում է․

Թուրքական ԶԼՄ-ների փոխանցմամբ` թուրք-ադրբեջանական ռազմաօդային ուժերի կողմից համատեղ իրականացվող ավիավարժանքների ընթացքում ինքնաթիռ է կործանվել: Գրում է Voskanapat.info-ն:

Վթարը տեղի է ունեցել բազմիցս գովազդված “Turaz şahini 2015” թուրք-ադրբեջանական համատեղ զորավարժությունների ընթացքում, որոնք անցկացվում են Քոնյա նահանգում:

Թուրքիայի ԶԼՄ-ները հաղորդում են, որ ինքնաթիռն ընկել է Օրթակոնակ բնակավայրի մերձակայքում գտնվող Աքսարայի մայրուղու 22 կմ.-ի վրա: Վթարի դեպքի վայր ժամանել են ժանդարմերիայի ուժեր և փրկարարներ:

Թուրքիայի զինված ուժերի գլխավոր շտաբի հաղորդագրության մեջ նշվել է, որ կործանված F-4E 2020 ինքնաթիռը պատկանել է Թուրքիայի ռազմաօդային ուժերին: Ինքնաթիռի երկու օդաչուներն են էլ զոհվել են:

Հիշեցնենք, որ թուրք-ադրբեջանական համատեղ զորավարժությունները մեկնարկել են այսօր առավոտյան 9:30-ին Իսկ տեղական ժամանակով 09:40-ին թուրքական ինթնաթիռն արդեն կործանվել է: Ինթնաթիռի կործանման պատճառները պարզելու նպատակով զորավարժությունները դադարեցվել են:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել