Ջենիֆեր Լոպեսը կարծես թե շատ է հավանել Պամելա Անդերսոնի բոմժական ոճն ու ցանկացել է նմանակել նրան։ Երեկ նա սև մարզահագուստը համադրել էր շքեղ ճերմակ մուշտակով։ Այսպիսի տեսքով նա գնացել էր օդանավակայան։ Իհարկե, անհնար է ժխտել, որ անկախ նրանից, թե ինչ տեսքով կլինի, 45-ամյա փոփ աստղը մշտապես ֆոտոխցիկների օբյեկտիվում է։ Իսկ ֆոտոխցիկները հասցրին ֆիքսել, որ նա առանց դիմահարդարման է դուրս եկել։ Բարձրակրունկ մարզակոշիկներն ու մարզական գլխարկը սուր կոնտրաստի մեջ էին փարթամ մուշտակի հետ։ Օսկարի մրցանակաբաշխության ժամանակ կրած հագուստից հետո մի տեսակ անսովոր էր տեսնել Ջենիֆերին այս ոճով, որը ստեղծվել է դասական և մարզական ոճերի համադրությունից։ Ջենիֆերը պատրաստվում է շուտով ձայնագրել «Feel the Light» (թարգմանաբար՝ զգա լույսը) երգի տեսահոլովակը։ Նա անգամ մի քանի կադր է հրապարակել տեսահոլովակի նկարահանման հրապարակից։ Այդ տեսահոլովակում Ջենիֆերը հանդես է գալու վառ դիմահարդարմամբ, մարմինը կիպ գրկող սպիտակ կոմբինիզոնով և հյուսած մազերով։ Ինչ վերաբերում է աստղի մասնագիտական ծրագրերին, շուտով նա նկարահանվելու է «Shades of Blue» (թարգմանաբար՝ կապույտի երանգներ) 13-մասանի հեռուստաանովելում։ Ներկայումս Լոպեսը ժյուրիի դերում է հանդես գալիս «American Idol» հեռուստատեսային շոուի չորրորդ եթերաշրջանում, որը հեռարձակվում է հայտնի «Fox» հեռուստաընկերությամբ։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել