Քիմ Քարդաշյանի ամուսինը համերգային շրջագայությամբ մեկնել է Լոնդոն, սակայն Քիմը Քանյե Ուեսթին հեռվից հեռու էլ է զարմացնում իր ոճային կերպարներով։ «Instagram» սոցկայքում ռիելիթի աստղը երեկ տեղադրել է իր լուսանկարները։ 34-ամյա Քիմը այնպիսի հայացքով էր նայում ֆոտոխցիկին, որ վերջինս քիչ էր մնում պայթեր, սակայն մի կերպ դիմացավ Քիմի հմայքին։ Այս աղջիկն անգամ ֆոտոխցիկի հետ է ֆլիրտ անում։ Քիմը կրում էր իրանը կիպ գրկող կարճ զգեստ, որն աչքի էր ընկնում խոր լանջաբացվածքով, իսկ ազդրերի մասում զգեստը զարդարված էր դեկորատիվ ոսկեգույն կոճակներով։ Քիմի դիմահարդարումը կատարել է Ռոբ Սչիփին, իսկ սանրվածքը՝ Էթիեն Օրտեգան, ովքեր ևս Քիմի լուսանկարներով կիսվել են իրենց ինստագրամյան էջերում։ Ինչպես Քիմի տեղադրած ցանկացած լուսանկար, այնպես էլ այս լուսանկարներն անթիվ «like»-եր են ստացել Քիմի բազմահազար երկրպագուների կողմից։