Շատ կանանց նման Էլիզաբեթ Մուրը, ով արդեն հատել է ութսունի եզրագիծը, ներքուստ իր տարիքից ավելի երիտասարդ էր զգում իրեն։ 8 ամիս առաջ, երբ նա թոշակի անցավ, նա ավելի շատ ժամանակ ուներ իր արտաքինով զբաղվելու համար։ Նա զգում էր, որ ներքին երիտասարդությունը հակասության մեջ էր մտել դեմքի խոր կնճիռների հետ, սակայն դա նրան ոչ թե բարդույթավորվելու ու իր արտաքինից հիասթափվելու մղեց, այլ հակառակը՝ կրկնապատկեց կատարելության ձգտումը։ Նա որոշեց դեմքի լիֆտինգ կատարել, որպեսզի ունենա ոչ միայն երիտասարդական կորով, այլև արտաքին։
Նախքան վիրահատությունը Էլիզաբեթն ասել է.
Ես հույս ունեմ, որ նորից հնարավորություն կունենամ այնպիսի տեսք ստանալ, որն ունեի մոտ մեկ տասնամյակ առաջ։ Այն ժամանակ ես ավելի ինքնավստահ էի զգում ինձ։
Էլիզաբեթը նախքան վիրահատությունը
Վիրահատական միջամտության արժեքը մոտ 5000 դոլար էր։ Մասնագետները լիֆտինգ կատարեցին և ճարպ ներարկեցին այտերի հատվածում, որպեսզի վերացնեն սմքածությունը։ Էլիզաբեթի հարազատներն ու մտերիմները խելագարի տեղ էին դրել կնոջը։ Նրանք կարծում էին, որ այդ տարեց հասակում նման վիրահատության դիմելն անհեթեթություն էր։ Բացի այդ, այդ տարիքում վիրահատությունը կարող էր նաև վտանգավոր լինել առողջական տեսանկյունից։
Էլիզաբեթի ամուսինը, ում հետ վերջինս ապրել է մոտ 60 տարի, այն քչերից էր, ովքեր լիովին սատարում էին Էլիզաբեթի որոշումը։
Էլիզաբեթն այս լուսանկարում 40 տարեկան է։
Էլիզաբեթը միակը չէ, ով նման ռիսկի է գնացել։ Անգլիացի վիրաբույժների շրջանում անցյալ ամիս անցկացված հետազոտության արդյունքները ցույց են տվել, որ 65-ն անց կանանց շրջանում վերջին տարիներին զգալիորեն աճել է պլաստիկ վիրահատությունների տոկոսը։ Անշուշտ միշտ չէ, որ պացիենտները գոհ են մնում արդյունքից, սակայն Էլիզաբեթի վիրահատությունը բավականին հաջող ընթացավ և տվեց ցանկալի արդյունքը։
Վիրահատական միջամտությունից անմիջապես հետո Էլիզաբեթի դեմքն այլայլված էր, սակայն որոշ ժամանակ անց ամեն ինչ իր տեղն ընկավ, ու Էլիզաբեթի դեմքը շատ թարմ տեսք ստացավ։
Էլիզաբեթին վիրահատող բժիշկն ասել է, որ Էլիզաբեթն այնպիսի լավ առողջական վիճակում էր, որ առողջական տեսանկյունից ռիսկն ավելի բարձր չէր, քան միջին տարիքի կնոջ դեպքում։