Նիկոլը վերջերս շատ ընկճված էր իր սիրեցյալի՝ հայտնի ավտոմրցարշավորդ Լյուիս Հեմիլթոնի հետ սիրավեպի ավարտի կապակցությամբ։ Այնուամենայնիվ, այս ֆոտոշարքը տեսնելուց հետո Լյուիսն ինքը կընկճվի՝ տեսնելով, թե ինչ է կորցրել։ 36-ամյա Նիկոլն այս ֆոտոշարքի լուսանկարներից մի քանիսում հանդես է գալիս շատ համարձակ կերպարով։ Նրա մերկ մարմինը ծածկված էր ընդամենը մի խոշոր մանյակով ու շորտով։ Մի քանի այլ լուսանկարներում էլ նա բալագույն զգեստ է կրում, որը մի փոքր դժվար է զգեստ անվանել օգտագործված կտորի սակավության պատճառով։ Այո՛, այս զգեստի հեղինակը հաստատ շատ գծուծ դիզայներ է կամ էլ պարզապես այն կարծիքին է, որ կանացի մարմնի բարեմասնությունները պետք է ի ցույց դնել ամենահամարձակ դիզայներական լուծումներով։
Այս լուսանկարներում փոփ աստղի մարմինը պատված է մաշկի խնամքի հատուկ հեղուկով, որը յուրահատուկ փայլ է հաղորդում նրա հարթ մաշկին։
Այնուամենայնիվ, լուսանկարների մեծ մասում երգչուհու հայացքի մեջ դեռևս թախծի նշույլներ են նշմարվում։ Մոտ 7 տարի տևած սիրավեպի անսպասելի ավարտն իսկապես ծանր հարված էր այս հանրահռչակ աստղի համար։ Ասում են, որ նրանց բաժանման պատճառը հաճախ իրարից մղոնների հեռավորության վրա գտնվելու գործոնն էր, որից ոչ մի կերպ հնարավոր չէր խուսափել մրցարշավերի ու շրջագայությունների պատճառով։
Այնուամենայնիվ, որոշ շրջանակներում խոսակցություններ են պտտվում այն մասին, որ զույգը երկար ժամանակ բաժան չի մնա ու ամեն ինչ ծանրութեթև անելուց հետո կվերամիավորվի։
Ֆոտոշարքի լուսանկարներից մի քանիսում երգչուհին հովազային պրինտով ծովափնյա երկարաքղանցք զգեստ է կրում։ Նիկոլի այս զգեստը համադրվել է ոսկեգույն զարդերով ու բարձրակրունկ կոշիկներով։
Համարձակ ֆոտոշարքի վերջին լուսանկարներում Նիկոլ Շերզինգերը պատկերված է մարմինը կիպ գրկող կարճ զգեստով։ Այն գրեթե ամբողջությամբ ծոպերից է պատրաստված։ Բոլոր լուսանկարները տրամադրում են մեկուսի ծովափնյա հանգստի ինչ-որ հեռավոր անկյունում։ Թեպետ առանձնապես ոչ մի հատուկ էֆեկտ չի գործածվել ֆոտոշարքի ստեղծման գործընթացում, դրանում սյուրռեալիստական ուղղության որոշակի դրսևորումներ են նկատվում։