Վերջին տարիներին պլյուս չափսի մոդելները գնալով ավելի ու ավելի լայն պահանջարկ են վայելում։ Նրանք սկսել են ոչ միայն նորաձևության ցուցադրություններին պոդիում բարձրանալ, այլև զարդարել ամենահեղինակավոր ամսագրերի շապիկները, գովազդել լողազգեստներ ու այլ մարզահագուստ։
Էշլի Գրահամ |
Վիթնի Թոմպսոն |
Ռոբին Լևլի |
Պլյուս չափսի մոդելների մուտքը նորաձևության աշխարհ շատ սպասված էր, քանի որ մի շարք կանայք, ովքեր ավանդական ընկալմամբ մոդելային կառուցվածք չունեն, ցանկանում էին տեսնել իրենց հավանած զգեստներն այնպիսի մարմնի վրա, որ նման էր իրենց իսկ մարմնին։ Հասարակության պահանջները նորաձևության արդյունաբերությանն իր թելադրանքն է պարտադրում։ Պլյուս չափսի որոշ մոդելների մուտքը նորաձևության աշխարհ սովորականից ավելի բուռն էր։ Օրինակ՝ Էշլի Գրահամը և Թես Հոլիդեյը համաշխարհային հռչակ են ձեռք բերել մոդելային կարիերայի շնորհիվ։
Այս լուսանկարում պատկերված Ռոբին Լևլին ևս պատկանում է հանրահռչակ մոդելների թվին։ 25-ամյա այս ավստրալուհին պլյուս չափսի առաջին մոդելն է, ով զարդարել է «Sports Illustrated»-ի շապիկը։ Նա իր մոդելային կարիերան սկսել է որպես սովորական մոդել 17 տարեկանում, սակայն չի կարողացել տևական ժամանակ պահպանել սլացիկ կազմվածքը։ Այդ պատճառով էլ նա աշխատանքի է ընդունվել «Bella Model Management» մոդելային գործակալությունում։ Զարմանալիորեն իբրև պլյուս չափսի մոդել նա ավելի մեծ հաջողություն ձեռք բերեց, քան սովորական մոդել աշխատելու տարիներին։
Նա ներկայացնում է«Navabi» բրենդի ներքնազգեստները։
Այս ժպտադեմ մոդելը Քենդիս Հուֆինն է։ Նա հռչակ ձեռք բերեց Պիրելիի օրացույցը զարդարելուց հետո։ Այս 30-ամյա մոդելը Վաշինգտոնից է։ Նա մոդելային կարիերայով զբաղվում է 2000 թ.-ից, սակայն նա ճանաչում ձեռք բերեց 2010 թ.-ին՝ «V» ամսագրի համար լուսանկարվելուց հետո։ Նրա լուսանկարները հայտնվել են նաև «Vogue» և «Harpers Bazaar» հեղինակավոր ամսագրերում։
Քենդիս Հաֆինը «Vogue Italia»-ի «Երևակայական աշխարհը» ցուցահանդեսին
Ուիթնի Թոմպսոնը ճանաչում ձեռք բերեց այն ժամանակ, երբ հաղթող ճանաչվեց «Ամերիկայի թոփ մոդել» շոուի 10-րդ եթերաշրջանում։ 27-ամյա ֆլորիդացի մոդելը շոուից հետո «CoverGirl» ընկերության պաշտոնական ներկայացուցիչը դարձավ ու Ռիհաննայի հետ միասին նկարահանվեց գեղարարական գովազդային հոլովակում։ Ուիթնին ներկայումս մոդելային կարիերային զուգահեռ զբաղվում է քարոզչական գործունեությամբ և հանդիսանում է «Սնվելու խանգարումների ազգային ասոցիացիայի» դեսպանն Ամերիկայում։ 2008 թ.-ին նա արժանացավ ամենաազդեցիկ կին տիտղոսին։ Անցյալ տարի նա ամուսնու հետ համատեղ ռեստորան բացեց, որի ղեկավարմամբ զբաղվում է մինչ օրս։
Տոկարա անունով այս մոդելը «պլյուս չափսի կին» արտահայտության փոխարեն մի նոր եզրույթ է հորինել՝ «իրական չափսի կին»։ Այնուամենայնիվ, նա ասում է, որ բնավ չի նեղվում, երբ իրեն դիմում են որպես պլյուս չափսի կին, քանի որ նա գեղեցիկ է այնպիսին, ինչպիսին կա։ Նա ունի իր կողմից մոդելավորված ներքնազգեստի շարք։ Բացի այդ, նա նաև DVD սկավառակ է թողարկել, որը կոչվում է «Fabulous Work-Out for Real Size Women» (թարգմանաբար՝ սքանչելի մարզանք իրական չափսի կանանց համար)։
Թես Մանսթերի սելֆին
«Թքած ձեր գեղեցկության չափանիշների վրա» խորագրով շարժում սկսեց սոցցանցերում։ Թեսի դեբյուտը մոդելային աշխարհում տեղի ունեցավ 2011 թ.-ին։ Նա այնքան ակտիվ էր սոցցանցերում, որ «A&E» ընկերության աշխատակիցները, տեսնելով նրա լուսանկարները, ընտրեցին նրան իրենց «Heavy» (թարգմանաբար՝ ծանր) վավերագրական շարքը ներկայացնելու համար։ Այդ ժամանակից ի վեր 29-ամյա մոդելը գովազդել է «Benefit Cosmetics», «Domino Dollhouse», «SWAK», «Jessica Louise Clothing» և մի շարք այլ հեղինակավոր ընկերությունների արտադրանքը։ Նա աշխարհի լավագույն պլյուս չափսի կանանց վեցնյակում է։