Այս էքստրավագանտ երգչուհին հաճախ է բաց զգեստներ կրում ու հանդես գալիս համարձակ կերպարներով։ Այնուամենայնիվ, շաբաթ երեկոյան նա նպատակադրված չէր ցուցադրում իր մերկ կրծքերը։ Նյու Յորքում կայանած ավտոմեքենայի խցիկում նստած՝ 28-ամյա երգչուհին նախապատրաստվում էր «Ամերիկյան սարսափ պատմություն» հեռուստասերիալի նկարահանումների մեկնարկին, երբ հանկարծ զգեստը սահեց նրա վրայից՝ ամբողջովին մերկացնելով նրա կուրծքը։
Նա զգեստափոխվում էր մեքենայի խցիկում և տեսախցիկներից թաքնվելու համար օգտագործում էր դեղին մորթե շալը՝ իբրև զգեստապահարանի վարագույր, սակայն շալն ու զգեստն, ասես խոսքները մեկ արած, ցած սահեցին։ Նկարահանման հրապարակի տեսախցիկները ֆիքսեցին այդ պահը։ Հանկարծակիի եկած երգչուհին փորձեց ձեռքերով ծածկել մերկությունը. շատ ամաչկոտն է։
Պարզ չէ, թե ինչու էր Լեդի Գագայի պես հայտնի աստղը հենց ավտոմեքենայում զգեստափոխվում, սակայն կիրակի առավոտյան նա արդեն կարծես մոռացել էր տհաճ պատահարի մասին։ Նա սոցցանցերից մեկում տեղադրեց իր սելֆին և գրեց, որ պատրաստվում է այսպես կոչված «Բևեռային սուզման»։ Սա մի միջոցառում է, որի մասնակիցները նետվում են սառցակալող ջրի մեջ։
Գագան Նյու Յորքի ցրտաշունչ եղանակին համապատասխան չէր հագնված։ Նա անթև կոմբինիզոն էր կրում, մինչև ազդրերը հասնող գրգռաճեղքի տակից երևում էր երգչուհու սպիտակ մաշկը, որը պետք է որ ցրտից փշաքաղված լիներ։
Անշուշտ, նա երկար քամու տակ չմնաց, քանի որ ընդամենը մի քանի քայլի հեռավորության վրա նրան սպասում էր շքեղ ավտոմեքենան, որում երգչուհին նստեց այսպիսի բազմանշանակ դիրքով։
Գագան շուտով Չիկագոյի լողափ հասավ և սուզվեց Միչիգան լիճ։ Բևեռային սուզումը կազմակերպվել էր Հատուկ օլիմպիական խաղերի առթիվ։ Գագայի մոտ վիքենդը թեժ էր սկսվել դեռևս ուրբաթ օրվանից։ Ուրբաթ նա Նյու Յորքի փողոցներում զբոսնում էր լողազգեստով։ Այնուամենայնիվ, դատելով նրա զուգագուլպաներից, կոստյումից, բարձրակրունկներից ու դիմահարդարումից՝ նա չէր պատրաստվում լողալ այդ տեսքով։ Հավանաբար սա էլ ուշադրություն գրավելու հերթական փորձերից էր։ Միայն թե Նյու Յորքի ցուրտ կլիմայական պայմաններում նման փորձերը կարող են հարբուխով ավարտվել։ Խնայի՛ր քեզ, Լե՛դի Գագա։