Tert.am-ը գրում է.
Հյուսիսատլանտյան դաշինքը նավերի կառավարման կենտրոն կստեղծի Բուլղարիայի արևելյան ափերին գտնվող Վառնա քաղաքի մոտակայքում: INTERFAX.RU-ի փոխանցմամբ` այս մասին հաղորդում է Novinite բուլղարական գործակալությունը:
Կենտրոնը կկառուցվի ՆԱՏՕ-ի` անվտանգության ոլորտում արվող ներդրումների ծրագրի շրջանակում հատկացվող միջոցներով:
Կենտրոնի կառուցումը կիրականանա երկու փուլով: Առաջին փուլը ենթադրում է գոյություն ունեցող շենքերի վերականգնումը և նորերի կառուցումը: Ինչպես նշում է գործակալությունը` երկրորդ փուլը կներառի ալեհավաքների և նավերի կառավարման համակարգերի տեղադրումը:
Սա ՆԱՏՕ-ի երկրորդ խոշորածավալ նախագիծն է Բուլղարիայում: Փետրվարի սկզբին դաշինքի ղեկավարությունը հայտարարել էր Սոֆիայում հրամանատարական կենտրոն ստեղծելու մասին:
Նյութի աղբյուր՝ http://www.tert.am/am/news/2015/02/28/nato-varna/1603608
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել