Քովենթրիի 21-ամյա բնակչուհի Մարիա Պետրուն ծանր մանկություն է ունեցել: Դպրոցական հասակում համադասարանցիները նրան շարունակ ծաղրում էին՝ անվանելով անճոռնի ճուտիկ: Նա տարբերվում էր իր դասարանի մյուս աղջիկներից: Մինչ իր հասակակիցները տարված էին նորաձևության վերջին միտումներով, նա իր դասերն էր սերտում ու ժամանակի մեծ մասը նվիրում էր ընթերցանությանը:
Մարիան դեռևս մանկուց հետաքրքրվում էր գեղարվեստով: Մի փոքր մեծանալով՝ նա սկսեց մարմնամարզությամբ զբաղվել: Նա սկսեց ժամանակ հատկացնել նաև իր արտաքին տեսքին ու հիմա արդեն մասնակցում է «Միսս Քովենթրի» գեղեցկության մրցույթին: Մարիան նաև սովորում է Գեղարվեստի համալսարանում: Նա ասում է, որ ցանկանում է համատեղել մոդելային կարիերան նկարչուհու աշխատանքի հետ:
Հարցազրույցնեերից մեկի ընթացքում Մարիան ասել է.
Ես ընկճվում էի, երբ ինձ պիտակներ էին կպցնում, սակայն ես գիտեի, որ շուտով ապացուցելու էի, որ նրանք բոլորը սխալվում էին:
Մարիային ծաղրողներից շատերը, վերջերս իմանալով աղջկա կտրուկ կերպարանափոխության ու մոդելային կարիերայի մասին, ընկերության առաջարկներ են ուղարկել նրան «Facebook»-ով, սակայն նա որոշել է չընդունել այդ առաջարկները:
Նա ասում է, որ ուզում է ապրել իր կյանքով, իսկ իր անցյալի ուրվականներն էլ թող իրենց կյանքով ապրեն: Նա համարում է, որ գեղեցկությունը ներսից է գալիս, ու ցանկանում է իր օրինակով ոգեշնչել բոլոր նրանց, ովքեր այժմ ծաղրուծանակի առարկա են իրենց արտաքինի պատճառով: Նա խորհուրդ է տալիս անկախ ամեն ինչից ուժեղ լինել ու հավատարիմ մնալ ինքդ քեզ:
