Tert.am-ը գրում է.
Այսօր Կառավարությունը մերժեց Ֆինանսների փոխնախարար Արմեն Ալավերդյանի զեկուցած ԱԺ պատգամավորներ Միքայել Մելքումյանի, Նաիրա Զոհրաբյանի, Լևոն Զուրաբյանի Ռուբիկ Հակոբյանի ներկայացրած նախագիծը, որով առաջարկվում էր փոփոխություններ կատարել «Շրջանառության հարկի մասին» ՀՀ օրենքում:
Այսպիսով՝ նախագծերի փաթեթով առաջարկվում էր ներդնել ձեռքբերումները փաստաթղթերով հիմնավորելու կամավորության սկզբունքը՝ սահմանելով, որ առևտրական գործունեության մասով հարկ վճարողը իրավունք ունի ընտրել հարկի 3.5 տոկոս դրույքաչափի համակարգը և ազատվել ձեռքբերումները փաստաթղթավորելու օրենսդրական պահանջից կամ ընտրել հարկի 1 տոկոս դրույքաչափի համակարգը` պարտավորվելով պահպանել ձեռքբերումները փաստաթղթավորելու օրենսդրական պահանջը:
Արմեն Ալավերդյանն ասաց, որ իրենք նախագծի հեղինակներին խորհուրդ են տալիս այս հարցերին անդրադառնալ կառավարության օրենսդրական նախաձեռնության քննարկմանը ներկայացված օրենքների նախագծերի փաթեթի քննարկումների շրջանակներում:
