Tert.am-ը գրում է․
Գերմանիայի Սահմանադրության պաշտպանության Դաշնային վարչության ղեկավար Հանս Գեորգ Մասենը ահազանգել է, որ Ռուսաստանն ընդլայնել է իր լրտեսական գործունեությունը Եվրոպայում: Այս մասին հայտնում է «Կորեսպոնդենտը»:
Բեռլինում տեղի ունեցած Եվրոպական ոստիկանական կոնգրեսի ժամանակ կառույցից նշել են, որ դա տեղի է ունենում Ուկրաինայի հակամարտության ֆոնին: Ըստ գերմանացի պաշտոնյայի՝ Ռուսաստանը, մասնավորապես, փորձում է հետևել, թե Արևմուտքում ինչպես են Ուկրաինային վերաբերող որոշումներ ընդունում: Ռուսաստանի ուշադրության կենտրոնում են հատկապես արևելաեվրոպական երկրները:
Նշվում է նաև, որ ռուսաստանյան հատուկ ծառայությունները չեն խորշում օգտագորել խորհրդային ՊԱԿ-ի մեթոդները՝ լրտեսությունը համադրելով նպատակաուղղված ապատեղեկատվության, որոշումների ընդունման վրա ազդեցություն գործելու և ծայրահեղական խմբավորումների աջակցությունն ստանալու հետ, ինչի նպատակը ապակայունացումն է: Այս ֆոնին գերմանացիները արձանագրել են Գերմանիայի և ամբողջ Եվրոպայի անվտանգությանը Ռուսաստանի կողմից եկող սպառնալիքի ռիսկեր: