Tert.am-ը գրում է․
«Բարգավաճ Հայաստան» խմբակցության պատգամավոր Արշակ Մխիթարյանը հերքում է, որ երեկ ԲՀԿ խմբակցության նիստում խոսել ու դեմ է արտահայտվել նույն խմբակցության քարտուղար Նաիրա Զոհրաբյանի՝ կուսակցության նախագահ դառնալու հնարավորության մասին:
«Սխալ բան է, Նաիրայի անձի հետ կապված խոսակցություն չի եղել, սխալ են գրել: Խոսքը եղել է այն մասին, որ կան էլի մարդիկ, որ կարող է էլի դուրս գան, բայց կոնկրետ Նաիրայի անձի հետ կապված ես ոչ մի բան չեմ ասել»,- Tert.am -ին ասաց Արշակ Մխիթարյանը:
Հիշեցնենք, որ «Ժողովուրդ» թերթը հղում անելով իր աղբյուրներին՝ գրել էր, որ ԲՀԿ փակ նիստի ժամանակ, երբ խմբակցության քարտուղար Նաիրա Զոհրաբյանը չի բացառել, որ ինքը կարող է լինել ԲՀԿ նախագահը, վերջինս ասել է, որ դա լավագույն առիթը կլինի, որ մենք հեռանանք ԲՀԿ-ից:
Արշակ Մխիթարյանն իր խոսքն ամփոփեց ասելով, թե չգիտի ում էր պետք նման բան տարածելը և որպես անձնական կարծիք ավելացրեց, որ Նաիրա Զոհրաբյանը շատ լավ թեկնածու է:
