Tert.am-ը գրում է․
Հռոմի Ֆրանցիսկոս պապը բանաստեղծ, հայ եկեղեցու միաբան Աուրբ Գրիգոր Նարեկացուն «Տիեզերական եկեղեցու դոկտորի» տիտղոս է շնորհել:
Ինչպես հաղորդում է Վատիկանի ռադիոն` Ֆրանցիսկոս պապը շաբաթ հանդիպել է Սրբերի հարցով միաբանության պրեֆեկտ, կարդինալ Անջելո Ամատոյի հետ, և հանդիպման ընթացքում հաստատել է Միաբանության լիագումար նիստում եպիսկոպոսների կողմից արված առաջարկը` «Տիեզերական եկեղեցու դոկտորի» տիտղոսը 10-րդ դարի հայ աստվածաբան, բանաստեղծ և փիլիսիոփա Սուրբ Գրիգոր Նարեկացուն շնորհելու մասին։
Սբ. Գրիգոր Նարեկացին հայ միջնադարյան գրականության ամենակարկառուն դեմքերից է, գրականության վերածննդի հիմնադիրը: Ծնվել է 950-ական թվականներին՝ Վասպուրականի նահանգի Նարեկ գյուղում` Վանա լճի մոտակայքում:
Նարեկացին հոր` Խոսրով արքեպիսկոպոսի նախաձեռնությամբ ուսանել է Նարեկավանքի վանահայր Անանիա վարդապետի մոտ: Ուսումն ավարտելուց հետո 25 տարեկանում Գրիգորը ձեռնադրվել է վարդապետ Նարեկավանքում և ստացել Նարեկացի անունը: Ուսման տարիներից աչքի է ընկել մեծ հաջողություններով երաժշտության, ստղագիտության, երկրաչափության, գրականության և աստվածաբանության ոլորտներում:
Նրա գլուխգործոցն է համարվում «Մատյան ողբերգությանը», որը հայտնի է «Նարեկ» անունով, որը 95 աղոթքից բաղկացած պոեմ է` «Խոսք` ի խորոց սրտի Աստծո հետ»: