Tert.am–ը գրում է.
Կանադացի ուսանողը դաջվածքների հեռացման նոր քսուկ է ստեղծել, որը նաև մատչելի կլինի: The Independent-ի փոխանցմամբ՝ Կանադայի Դոլհոզի համալսարանի ուսանող Ալեք Ֆոլքենհամն է հեղինակել գյուտը:
27-ամյա ասպիրանտը նշել է, որ իր գյուտը թույլ կտա անցավ հեռացնել դաջվածքները: Դա նաև էժան կնստի, նախնական տվյալներով՝ մոտ 4.50 ԱՄՆ դոլար տասը սանտիմետր ծավալով դաջվածքի համար:
Գյուտարարն ասել է, որ անցավ լինելուց բացի նոր քսուկը նաև չի բորբոքի մաշկը, ինչպես լինում է լազերային հեռացման դեպքում: Ֆոլքենհեմի քսուկը «թիրախավորում» է «մակրոֆագոցիտները»՝ այն բջիջները, որոնք հավաքվում և «ձևավորում են» դաջվածքը, երբ օրգանիզմ թանաք է «ներարկվում»: Ըստ կանադացի ուսանողի՝ իր քսուկը դանդաղ, բայց արդյունավետ ձևով խամրեցնում է այդ բջիջների կերտած պատկերը:
Նյութի աղբյուր՝ http://www.tert.am/am/news/2015/02/19/new-tattoo-removal-cream-promises-to-fade-ink-doesnt-hurt-and-only-costs-3/1593984
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել