Tert.am-ը գրում է․
Թուրքիան մեկ միլիարդ դոլար արժողությամբ հակաօդային պաշտպանության համակարգ գնելու հայտը ապրիլի 24-ից հետո է քննարկելու:
Ինչպես տեղեկացնում է «Ակօս»-ը, դա պայմանավորված է ԱՄՆ-ի և Ֆրանսիայի կողմից Ցեղասպանության 100-ամյակին դրսևորելիք կեցվածքով:
Hürriyet Daily News-ը տեղեկացնում է, որ Թուրքիան որոշում կայացնելու է պայմանավորված ԱՄՆ-ի դիրքորոշմամբ Ցեղասպանության հարցում:
Երկրի պաշտպանության նախարարության աղբյուրը նշում է, որ կառավարության ներկայացուցիչների հետ պայմանավորվել են հապճեպ որոշում չկայացնել և սպասել Ապրիլի 24-ին:
Իսկ դիվանագիտական մի աղբյուր նշել է, որ Թուրքիան ցանկանում է վճիռ կայացնելուց առաջ Հայոց ցեղասպանությանն ընդառաջ ԱՄՆ-ի և Ֆրանսիայի դիրքորոշումը տեսնել այդ հարցում:
Անկարան ՀՕՊ համակարգեր տեղադրելու համար 2013 թվականի սեպտեմբերին պայմանավորվել է չինական մի ընկերության հետ, իսկ Արևմուտքին հետ զուգահեռ բանակցություններ է սկսել վարել անցյալ տարվանից: