Բոլոր կանանց, ում հետ կիսատ թողած հարաբերություններ ունենք, կանանց, ում հետ անկողին կիսելու ակնկալիքներ ունեինք, բոլոր խելառ կանանց, ում հետ ջարդել ենք բոլոր սահմանները և տրվել վայելքներին՝ հավերժացնելով ակնթարթը, նրանց, ովքեր շտապում են ապրել՝ կյանքը փնտրելով իրենցից դուրս, բոլոր ընկերներիս, ովքեր վայելքների այգում ինձ են սպասում, որ տրվենք գայթակղություններին և կիսենք ցանկացած անսթափ հաճույք, բոլոր ընկերներիս, ովքեր սպասում են, երբ ենք դուրս գալու իրական մոխրագույն, բայց մնայուն ստաբիլությունից և որսանք սուր զգացողություններ անմնայուն գույների մեջ, հաշված ընկերներիս, ովքեր սիրահար են գեղեցիկի և վայելում են բնության տեսիլքները, նրանք, ովքեր կողքիս են վտանգի ու ազարտի հաճույքը կիսելու, բոհեմային ծաղրածուները, որոնք անբաժան մասն են իմ կյանքի, իրենց ծիծաղներով ու ժպիտներով կենդանացնում են քարացած դեմքս, դիմակների տակ թաքնված հարազատներս, ովքեր փայփայում են դիմակս և սովորեցնում մարդկանց վայելել դիմակի հետևից, բոլոր այն անսահման բարի, բայց շատակեր ընկերներս, ովքեր իրենց երջանկությունը գտնում են խնջույքների ժամանակ, այն բոլոր մոլորված բարեկամներս, ովքեր իրենց ագահ ակնկալիքների պատճառով նեղացել են կյանքից և վրեժ են լուծում իրենք իրենցից, սատանայի հետ ընկերացած ընկերներս, որոնց հետ ժամանակին, եթե ոչ պակաս, ապա հաստատ հավասար եռանդով կծեցի այդ անիծյալ խնձորը, բոլոր այն ինձ համար շատ թանկ, բայց թուլակամ ընկերներս, ովքեր, ստեղծելով կարևորված լինելուս խաբկանքը, ծախսում են ինձ, նրանց, ովքեր քաոսային վայելքների մեջ են ներքաշել ինձ, իսկ հիմա ներդաշնակության միջից հետևում են ինձ, նրանց մեջ, ում ինձ գտնելով՝ վայելում եմ անցյալիս սխալները, և նրանց, ում մեջ ինձ տեսնելով՝ վայելում եմ ապագայիս երազները, մի բան պիտի խնդրեմ, թող ինձ ներեն, 40 օր ԵՍ ՊԱՍ ։)))),

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել