ԱՄՆ նախագահ Օբաման CNN հեռուստաալիքի հետ ունեցած հարցազրույցի ընթացքում, անդրադառնալով Իրանի միջուկային հարցի շուրջ ընթացող բանակցություններին, մատնանշելով, որ Իրանը հավատարիմ է մնացել իր բոլոր պարտավորություններին, հայտարարեց. «Իրանը հավատարիմ է մնացել ժամանակավոր համաձայնագրի բովանդակությանը, ու մենք այժմ հնարավորություն ունենք գործել հիմնական համաձայնությանը հասնելու համար: Իհարկե, ես վստահ չեմ, որ բանակցությունների ավարտին մենք կհասնենք հիմնական համաձայնությանը, բայց եթե Կոնգրեսն այս պահին Իրանի դեմ նոր պատժամիջոցներ սահմանի, որն Իրանի կողմից կընկալվի որպես խոչընդոտ բանակցությունների գործում, ես, դա վնասակար համարելով, վետոյի կենթարկեմ:»
Օբաման նաև հավելել է, որ չի պատրաստվում հանդիպել Իսրայելի վարչապետ Նեթանյահուին, երբ նա Կոնգրեսի հանրապետականների հրավերով մեկնելու է ԱՄՆ՝ Կոնգրեսում Իրանի դեմ ելույթ ունենալու նպատակով:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել