Անգամ վիրտուալ տիրույթում մարդ պետք է կարողանա ապահովել դրական մթնոլորտ: Միմյանց անձնական վիրավորանքներ հասցնելու փոխարեն երբեմն հիշեցրեք դիմացինին նրա բնավորության լավագույն գծերի մասին, սարսռազդու տեսարաններ պարունակող տեսանյութերի փոխարեն երբեմն տարածեք հումորային, թեթև տեսանյութեր:
Միշտ տարածեք հաճելի երաժշտություն, մեր մեծերի գեղեցիկ և անմահ տողերից, նշեք ձեր կարդացած գրքերը, դրանցից մեջբերումներ արեք:
Դրանցով գուցե շատերի մեջ հաճելի հիշողություններ արթնացնեք, մղեք լավ բաներ անելու...
Տեղի-անտեղի միմյանց մի՛ քննադատեք, եթե ձեզ մի բան դուր չի գալիս, միշտ չէ, որ պետք է արտահայտվել. յուրաքանչյուր մարդ իր կյանքն ունի և իր սկզբունքները:
Իհարկե, այս ամենը չի նշանակում, որ վատ և արատավոր երևույթները պետք է աչքաթող անել. բնա՛վ: Պարզապես միայն վատ բաների վրա կենտրոնանալով՝ դուք ձեր կյանքի ժամերը կապրեք ոչ լիարժեք:
