Նիդերլանդներում անցկացվում է «Urban Campsite» փառատոնը, որը նվիրված է քաղաքային քեմփինգին։ Այս փառատոնին դիզայներները ցուցադրում են իրենց աշխատանքները, որոնք միտված են ավելի հարմարավետ դարձնել մարդկանց բացօթյա հանգիստը։ Այս հոդվածում մենք Ձեր ուշադրությանն ենք ներկայացնում այդ փառատոնի առավել ուշագրավ ցուցանմուշներից մեկը։ Այս ցուցանմուշը ոչ այլ ինչ է, քան տուն անիվների վրա։ Դրա հեղինակը դիզայներ Էդուարդ Բոտլինգկն է։ Տունը կառուցվել էր դեռևս 1985 թ.-ին, սակայն հետագայում այն վերանորոգվել ու գեղեցիկ կահավորվել է մրցույթին մասնակցելու համար։ Տան պատերը բացովի-փակովի են։ Այս արդյունքին հասնելու համար օգտագործվել է պատերն ամրակցելու հատուկ սարք, որը խոսակցական լեզվում անվանում են ակորդեոն։ Տուն-ֆուրգոնը կայանելուց հետո դրա պատերը հնարավոր է բացել, ինչից հետո այն կվերածվի բավականին հարմարավետ և ընդարձակ բնակելի տարածքի։ Հյուրասենյակի կողմի պատը թափանցիկ նյութից է կազմված, ինչը թույլ է տալիս ճանապարհորդներին սքանչանալ իրենց առջև բացված բնապատկերներով։ Ննջասենյակի հատվածը ծածկվում է անթափանց չարդախով (навес), որպեսզի գիշերները կարողանաք հանգիստ քնել՝ չկաշկանդվելով անցանկալի հայացքներից, իսկ առավոտյան կարող եք վեր քաշել չարդախը և պառկած վիճակում արևայրուք ընդունել։
