Իռլանդացի Դիրդրե Մքդոնելը առաջին չափահասն է, ով վիրահատության է ենթարկվել, որի ժամանակ նրա ողնաշարի մեջ մագնիսներ են տեղադրվել դրա թեքվածությունն ուղղելու նպատակով։
Կինը 30 տարի է անցկացրել ցավերի մեջ այն բանից հետո, երբ նրա մոտ սկոլիոզ է հայտնաբերվել։
Վիրաբույժներն առաջին անգամ են իրականացրել այս վիրահատությունը չափահասին, որը հայտնի է որպես «մագնիսական ընդարձակման կառավարվող համակարգ», և որի ժամանակ ողնաշարում պտուտակներով մագնիսային ձողեր են տեղադրվում։
Այս ձողերն այնուհետև կարող են կառավարվել ողնաշարի թեքվածությունը՝ այն ուղղելու նպատակով։ Մինչ այժմ 22,700 դոլար արժողություն ունեցող այս վիրահատությունը միայն երեխաների համար է իրականացվել, քանի որ ենթադրվում էր, որ այն միայն հիվանդության սկզբնական շրջանում՝ մինչև 10 տարեկանը, կարող է արդյունավետորեն ազդել։
34-ամյա աղջկա բարեհաջող վիրահատությունից հետո վիրաբույժները հույս ունեն, որ իմպլատները կօգնեն նաև այլ չափահասների, ովքեր տարբեր անարդյունավետ միջոցների են դիմել ողնաշարն ուղղելու համար, սակայն դրանցից և ոչ մեկը չի օգնել նրանց։
Մքդոնալդը կիսվել է՝ նշելով, որ նախկինում միայն կարճ հեռավորություն էր հաղթահարում, այն էլ ցավերով, այնինչ վիրահատությունից հետո նա արդեն հաճույք է ստանում զբոսանքներից։
Ավելի քան 30 տարի անօգուտ վիրահատություններից ու ցավազրկողներից հետո վերջապես հույսով եմ լցվել ապագայի նկատմամբ։
Առաջին վիրահատությունը վիրաբույժներն իրականացրել են, երբ նա ընդամենը վեց շաբաթական էր։
Նրան ախտորոշել են բծային սկոլիոզ, որը հայտնաբերվում է ամեն 10,000 նորածիններից մեկի մոտ։ Նրա ողնաշարն այնքան վատ էր ձևավորված, որ բժիշկները զգուշացրել էին, թե նա չի ապրի մինչև յոթ տարեկանը լրանալը։ Հաջորդ տասը տարիների ընթացքում նա 8 տարբեր վիրահատությունների է ենթարկվել, որով բժիշկները փորձել են փրկել նրա կյանքը։
Ի զարմանս բժիշկների՝ նրան հաջողվեց ապրել ու նույնիսկ կրթություն ստանալ ուսուցիչ դառնալու համար։ Սակայն շուտով հիվանդության ախտանշանները սկսեցին թույլ չտալ նրան աշխատել։
Իմ ողնաշարը 130 աստիճանով թեքվել էր, ինչի պատճառով ողնաշարը «C» տառի տեսքն էր ընդունել՝ թույլ չտալով թոքերիս շնչելիս բացվել։ Դրանք միայն 30 տոկոսով էին աշխատում։
Այդ պատճառով ես հաճախ թոքերի բորբոքում էի ունենում։
Ամեն ինչ այնքան վատ էր, որ բժիշկները նրան ասել էին, որ նա կարող է մահանալ 10 տարվա ընթացքում, եթե վիրահատության չենթարկվի։
Չնայած մագնիսներով իրականացվող տեխնոլոգիան գոյություն ունի դեռ 2011թ․ից, բժիշկներն այն երբեք հնարավոր տարբերակ չեն ընդունել, քանի որ նախկինում այն իրականացվել էր միայն երեխաների համար։
Այնուամենայնիվ, այլևս ոչ մի հնարավոր տարբերակ չունենալով՝ բժիշկները որոշել են փորձարկել նաև այս տարբերակը։ Վիրահատությունն իրականացվել է Դուբլինի «Tallaght» հիվանդանոցում։ Վիրահատությանը հաջորդած մի քանի ամիսների ընթացքում ողնաշարը որոշակի չափով ուղղվել է։ Այժմ հիվանդությունն ամբողջովին հաղթահարած Մքդոնելը նշել է, որ հույս ունի առողջ ու երջանիկ ապագա ունենալ իր ընկերոջ՝ 32 –ամյա Ռոբի Սլեթլիի հետ։
Մասնագետները նշել են, որ այս տեխնոլոգիայի առավելությունը կայանում է նրանում, որ հիվանդները միայն մեկ վիրահատության են ենթարկվում, իսկ ողնաշարի ուղղումը կատարվում է արտաքին հեռակառավարման միջոցով, որն անցավ է ու իրականացվում է առանց անզգայացման։
Հաշվարկվում է, որ աշխարհում մոտավորապես 273 միլիոն մարդ է տաառապում սկոլիոզից։