8 Քարե մարդու համախտանիշ: Հիվանդության գիտական անվանումը «Fibrodysplasia ossificans progressiva» է։ Այս հիվանդությունից տառապող մարդկանց մոտ ոսկրային հյուսվածքները սկում են աճել մկանների, ջլերի ու մյուս կապակցող հյուսվածքների տեղում՝ սահմանափակելով հիվանդի շարժումները, ով ժամանակի ընթացքում ապրող արձանի է վերածվում։
7 Տեղային ճաղատություն: Տեղային ճաղատությունը գիտականորեն հայտնի է որպես «Alopecia areata», այս հիվանդության ժամանակ մազերը թափվում են որոշակի հատվածում։
6 Դիպրոսոպուս: Դիպրոսոպուսն այլ կերպ հայտնի է նաև որպես գանգադիմային կրկնապատկում։ Այս հազվադեպ հանդիպող խանգարման ժամանակ դեմքի մի մասը կամ ամբողջական դեմքը կրկնակի տեսքով է հանդիպում։ Այս խանգարումն առաջանում է օրգանիզմում որոշակի սպիտակուցների աննորմալ արտադրության հետևանքով։
5 Պոլիմելիա: Պոլիմելիայի ախտանիշի ժամանակ երեխան ծնվում է սովորականից ավելի վերջույթներով։ Այս խանգարման շատ դեպքեր են գրանցվել, սակայն ամենահայտնի դեպքը թերևս Հնդկաստանում ծնված երեք ձեռքանի տղան է։ Տղան երրորդ ձեռքի հեռացման հաջող վիրահատության է ենթարկվել։
4 Մաշկային եղջյուրներ: Այս համախտանիշն այլ կերպ հայտնի է որպես «cornu cutaneum»։ Այն իրենից ներկայացնում է եղջյուրների տեսքով հազվադեպ հանդիող մաշկային ուռուցք։ Սովորաբար դրանք փոքր են, երբեմն փայտի կամ ածուխի նման։ Ինչևէ, երբեմն պատահում են նաև ավելի խոշոր ուռուցքներ, ինչպես օրինակ Չինաստանում ապրող Ժամգ Ռույֆանգ անունով մի կնոջ մոտ դրանք հասնում են մինչև 6 սմ-ի, իսկ 19-րդ դարում ապրող Մադամ Դիմանշե անունով կնոջ մոտ այն նույնիսկ հասնում էր մինչև 25 սմ-ի։
3 Կիկլոպիա: Կիկլոպիայի համախտանիշն այլ կերպ հայտնի է նաև որպես կիկլոսեֆալիա։ Այն հազվադեպ հանդիպող խանգարում է, որն առաջանում է, երբ էմբրիոնը չի կարողանում ճիշտ զարգանալ այնպես, որ զարգանան երկու առանձին ակնախոռոչները։ Այս ախտանիշն առավել հաճախ հանդպում է կենդանիների մոտ, սակայն գրանցվել են նաև որոշ դեպքեր, երբ այն ի հայտ է եկել մարդկանց մոտ։ 2006թ-ին մեկ աչքով երեխա ծնվեց Հնդկաստանում։ Բացի այն, որ երեխայի մոտ բացակայում էր երկրորդ աչքը, նա նաև ծնվել էր առանց քթի, իսկ նրա ուղեղը մեկ կիսագնդի տեսքով էր։ Ծնունդից մի քանի օր հետո երեխան մահացավ։
2 Ուներ Տանի համախտանիշ: Այս սինդրոմն իր անունը ստացել է կենսաբան, էվոլյուցիոն ուսմունքի թուրք տեսաբան Ուներ Տանի անունով։ Այս սինդրոմը չափազանց հազվադեպ է հանդիպում։ Դրանով տառապող մարդիկ քայլում են բոլոր չորս վերջույթների օգնությամբ, խոսքի խանգարում ունեն ու մտավոր հետամնացություն։ Այս հիվանդության միայն մի քանի դեպք է գրանցվել և բոլորը Թուրքիայի տարածքում։
1 Ձկան հոտի համախտանիշ: Ձկան հոտի սինդրոմը գիտականորեն հայտնի է որպես «տրիմետիլամինուրիա»։ Այն իրենից հազվադեպ հանդիպող նյութափոխանակության խանգարում է ներկայացնում։ Սինդրոմով տառապող մարդիկ ֆիզիկական ցավեր կամ տեսանելի ախտանշաններ չունեն, սակայն սինդրոմի արդյունքում հիվանդների վրայից փտած ձկան, աղբի տհաճ հոտ է գալիս։
