Այսքան օր չէի գրում, բայց ամեն դեպքում, ինչպես շատերիս մոտ, հարցեր են առաջացել, որոնց պատասխան դեռ չեմ ստացել:
1. Ո՞ր ժամին է կատարվել սպանությունը: Վեցի՞ն, ըստ հարևանուհու ասածի, թե՞ ավելի ուշ։
2. Ինչպե՞ս կարելի է չլսել քսանից ավելի կրակոց: Ինչքան հասկանում եմ՝ ինքնաձիգի վրա խլացուցիչ չի եղել։
3. Որտե՞ղ էին արտագնա աշխատանքների գնացել սպանված ընտանիքի տղամարդիկ, իմ ունեցած տեղեկությունների շրջանակը` Ռոստովից մինչև Չիտա:
4. Ի՞նչն է պատճառը, որ կասկածյալն իր հոժար կամքով հարազատ տան կողքից` Չիտայից, տեղափոխվում է Գյումրի դեկտեմբերի սկզբին:
5. Ըստ լուրերի՝ կասկածյալին տան մոտ էլի են տեսել, հաստատվու՞մ է այդ տեղեկությունը, թե՞ ոչ։
6. Ըստ Գյումրիի մարզպետի՝ բազայից զգուշացրել էին, որ զինվոր է փախել, ստու՞մ է արդյոք մարզպետը, թե՞ ոչ։
7. Որտե՞ղ է իր պատիժը կրում կամ կրել կասկածյալի եղբայրը, ի՞նչ առնչություն նա ունի հայերի հետ, որո՞նք են նրա քրեական գործի մանրամասները:
Դեռևս այսքանը, չնայած հարցերը շատ են: Մեծ հաճույքով կմիանամ որևէ լրատվական կայքի, որ կցանկանա լրագրողական հետաքննություն կատարել: