Երեխաներին սեքսի մասին խորհուրդ է տրվում պատմել սկսած 12 տարեկանից: Եթե ընդհանրապես չզբաղվել սեփական երեխաների սեռական դաստիարակությամբ, դա կարող է հանգեցնել վաղաժամ հղիության, վեներական հիվանդությունների ձեռք բերման և այլ լուրջ խնդիրների:
Այս ամենը վերջերս պարզել են բրիտանացի հետազոտողները, ովքեր սոցհարցում են անցկացրել մեծահասակների շրջանում։ Ինչպես հաղորդում են օտարերկրյա լրատվամիջոցները, Մեծ Բրիտանիայի այն բնակիչները, ովքեր ստացել են սեռական դաստիարակություն, հետագայում մեծացել են այդ ոլորտում գործողությունների ճիշտ ընկալմամբ։
Նույն բրիտանացիները, ում սեքսի վերաբերյալ ոչինչ չեն սովորեցրել կամ էլ դա սխալ են արել, այդ ոլորտի հետ կապված թյուր պատկերացումներ են ունեցել կամ էլ սեռական այլասերվածություն են դրսևորել:
Բնական է, որ սեռական դաստիարակության մեջ չի մտնում 12 տարեկան երեխաներին պոռնոգրաֆիկ ֆիլմերի ցուցադրությունը, այլ ճիշտ բացատրությունները մարդկանց սեռական կյանքի վերաբերյալ:
