Tert.am-ը գրում է․
Նոր դրամ շրջանառության մեջ դրվելու հարց չկա. այսօր ԱԺ-ում լրագրողների հետ ճեպազրույցի ժամանակ նշեց ֆինանսների նախարար Գագիկ Խաչատրյանը, ով սակայն նկատեց, թե ամեն ժամ, ամեն օր նոր խաղի պայմաններ են առաջանում:
«Ամեն ժամ, ամեն օր նոր խաղի պայմաններ են առաջանում և դրա համար մենք ԿԲ-ի հետ Կառավարությունում քննարկում ենք գործիքներն ու միջոցառումները, որոնք կկայունացնեն վիճակը»,-նշեց նա:
Հարցին, թե իրավիճակն արդյոք դո՞ւրս է վերահսկողությունից՝ հաշվի առնելով, որ խանութներ են փակվում, և գնաճը անկառավարելի է դարձել, Գագիկ Խաչատրյանը պատասխանեց. «Բնականաբար, կլինեն նման դեպքեր, որովհետև տնտեսվարողները հայտնվել են մի իրավիճակում, որ իրենց համար էլ է աննախատեսելի: Հիմա ԿԲ-ն և Կառավարությունը պետք է կարողանան գործիքներ կիրառել, որպեսզի կայունացնեն իրավիճակը»:
Սպեկուլյացիոն գործընթացների առկայությունը նախարարը չհերքեց. «Այո, կան օբյեկտիվ և սուբյեկտիվ պատճառներ՝ արհեստական։ Պետք է տարանջատել և փակել սողանցքները՝ արհեստական և սուբյեկտիվ պատճառները, որպեսզի կարողանանք լուծման հասնել»:
Իսկ թե ինչու միջոցառումներ չեն ձեռնարկվում, նախարարը պատասխանեց, թե արվում են.«Ուղղակի շատ արագ տեղի ունեցավ արժեզրկումը, դրանից հետ գալը բարդ պրոցես է, և դրանից կախված հանգամանքները պետք է աստիճանաբար լինեն»
Հարցին, թե ֆինանսատնտեսական իրավիճակը կարգավորելու համար կոնկրետ Ֆինանսների նախարարությունն ի՞նչ գործիքներ է պատրաստվում կիրառել, Ֆինանսների նախարարը նշեց, որ դա դրամավարկային քաղաքականության հետ կապված խնդիր է՝ Կենտրոնական բանկի լիազորությունների շրջանակում:
Ամբողջական հոդվածը կարող եք կարդալ այստեղ
